മുംബൈ: രാജ്യത്ത് എവിടെയും പറക്കാന്‍ ഇനി 99 രൂപ മതി. എയര്‍ ഏഷ്യ ഇന്ത്യയാണ് ടിക്കറ്റ് നിരക്കില്‍ വലിയ ഇളവുമായി രംഗത്ത് വന്നിരിക്കുന്നത്. ടാറ്റാ സണ്‍സുമായി ചേര്‍ന്നാണ് ഓഫര്‍ നടപ്പാക്കുന്നത്. ഇന്ത്യയില്‍ എവിടെയും പറക്കാന്‍ 99 രൂപ മുതലുള്ള ടിക്കറ്റാണ് എയര്‍ ഏഷ്യ നല്‍കുക. എയര്‍ ഏഷ്യയുടെ ഇന്ത്യയിലെ എയര്‍ലൈനായ ഇന്ത്യന്‍ ജെ വി എയര്‍ലൈന്‍ നെറ്റ് വര്‍ക്കിലാണ് ഈ ടിക്കറ്റുകള്‍ ലഭിക്കുക.
ഓഫര്‍ അനുസരിച്ച് ആഭ്യന്തര യാത്രയ്ക്കു ടിക്കറ്റിനു 99 രൂപയ്ക്കും ലഭിക്കും. അതു പോലെ അന്താരാഷ്ട്ര ടിക്കറ്റുകള്‍ക്ക് 444 രൂപയ്ക്കും ലഭ്യമാകും. ഓഫര്‍ 2018 മെയ് മുതല്‍ 2019 ജനുവരി വരെയാണ് ലഭിക്കുക. രാജ്യത്ത് എവിടെയും ഒരു ദിശയിലേക്കുള്ള അടിസ്ഥാന നിരക്കാണ് 99 രൂപ. ബെംഗലുരു, കൊച്ചി, ഹൈദരബാദ്,റാഞ്ചി, ഭുവനേശ്വര്‍, കൊല്‍ക്കത്ത, ന്യൂ ദില്ലി, ഗോവ എന്നീ സ്ഥങ്ങളിലാണ് എയര്‍ ഏഷ്യ ഇന്ത്യയ്ക്കു ആഭ്യന്തര സര്‍വീസ് ഉള്ളത്. ക്വാലലംപൂരിലേയ്ക്കും, ബാലിയിലേയ്ക്കും, ബാങ്കോക്കിലേക്കുമാണ് എയര്‍ ഏഷ്യയുടെ അന്താരാഷ്ട്ര സര്‍വ്വീസുകള്‍ ഉള്ളത്. ഓഫര്‍ പ്രകാരമുള്ള ടിക്കറ്റ് ഇന്നു രാത്രി മുതല്‍ നവംബര്‍ 19 വരെ ലഭിക്കും.
Post Your Comments