അറ്റോക്ക്: ബസ് നിയന്ത്രണം വിട്ട് മറിഞ്ഞ് 22 പേര്‍ മരിച്ചു. 51 പേര്‍ക്ക് പരിക്കേറ്റു. പാക്കിസ്ഥാനിലെ പഞ്ചാബ് പ്രവിശ്യയിലെ അറ്റോക്കിലാണ് ബസ് കൊക്കയിലേയ്ക്ക് മറിഞ്ഞ് വന്‍ ദുരന്തം ഉണ്ടായത്.. രാത്രി പത്ത് മണിയോടെയായിരുന്നു അപകടം. പ്രദേശവാസികളാണ് ആദ്യം അപകട സ്ഥലത്തെത്തിയത്. തുടര്‍ന്ന് പോലീസും സ്ഥലത്തെത്തി. പരിക്കേറ്റവരെ ആശുപത്രിയിലേയ്ക്ക് മാറ്റി. 22 ഓളം മൃതദേഹങ്ങളാണ് കണ്ടെത്തിയത്.
പരിക്കേറ്റവരില്‍ 7 പേരുടെ നില അതീവ ഗുരുതരമാണ്. മരണസംഖ്യ ഉയരാന്‍ സാധ്യതയുണ്ടെന്ന് ആശുപത്രി അധികൃതര്‍ പറഞ്ഞു.
മതപരമായ ആഘോഷത്തില്‍ പങ്കെടുത്ത് മടങ്ങിയവരാണ് അപകടത്തില്‍പെട്ടത്. പഞ്ചാബ് മുഖ്യമന്ത്രി ഷഹ്ബാസ് ഷെരീഫ് ദുരന്തത്തില്‍ അഗാധദുഖം രേഖപ്പെടുത്തി.
അമിത വേഗതയിലായിരുന്നു ബസ്. വളവില്‍ ബസ് നിയന്ത്രണം വിട്ട് കൊക്കയിലേയ്ക്ക് പതിക്കുകയായിരുന്നു.
Post Your Comments