ചെന്നൈ: സിവില്‍ സര്‍വീസ് മെയിന്‍ പരീക്ഷയ്ക്ക് കോപ്പിയടിക്കാൻ മലയാളി ഐ പി എസ് ഓഫീസറെ സഹായിച്ച ഭാര്യ ജോയ്സി ജോയിയെയും തമിഴ്‍നാട് പോലീസ് അറസ്റ്റ് ചെയ്തു. ഇന്നു രാവിലെ അറസ്റ്റ് ചെയ്‌ത ഇവരെ പോലീസ് ചോദ്യം ചെയ്‌ത്‌ വരികയാണ്. ഇന്നലെ രാവിലെയാണ് ചെന്നൈ എഗ്മോറിലെ പരീക്ഷാ കേന്ദ്രത്തില്‍ വെച്ച് നെടുമ്പാശ്ശേരി സ്വദേശി സഫീര്‍ കരീമിനെ കോപ്പിയടിക്കുന്നതിന് പിടികൂടിയത്. പരീക്ഷാ ഹാളിലേക്ക് കടക്കുമ്പോള്‍ രണ്ടു ഫോണുകള്‍ സുരക്ഷാ ജീവനക്കാര്‍ക്ക് കൈമാറിയെങ്കിലും മറ്റൊരു ഫോണില്‍ ബ്ലൂടൂത്ത് കണക്റ്റ് ചെയ്‌ത്‌, ഷര്‍ട്ടില്‍ ഘടിപ്പിച്ച മൈക്രോ ക്യാമറ വഴി ചോദ്യ പേപ്പര്‍ ഭാര്യ ജോയ്സി ജോയിക്ക് അയച്ചു കൊടുക്കുകയും അവര്‍ സഫീറിന് ഉത്തരങ്ങള്‍ പറഞ്ഞു കൊടുക്കുകയുമായിരുന്നു.
തിരുനെല്‍വേലി ജില്ലയിലെ നങ്കുനേരിയിലെ അസിസ്റ്റന്റ് കമ്മീഷണര്‍ ആയ സഫീര്‍ 2014 ബാച്ചിലെ ഐ പി എസ് ഓഫീസറാണ്. അന്ന് നൂറ്റി പന്ത്രണ്ടാം റാങ്ക് നേടി ഐ പി എസ് ഓഫീസറായ സഫീർ പിന്നീട് ഐ എ എസ് നേടാനായി ഐ എ എസ് അക്കാദമിയില്‍ കൊച്ചിങ്ങിനും പോയിരുന്നു. ഇയാള്‍ ഇപ്പോൾ റിമാന്‍ഡിലാണ്.
Post Your Comments