സിഡ്നി: വെസ്റ്റ് ഇൻഡീസ് ക്രിക്കറ്റ് താരം ക്രിസ് ഗെയ്ൽ മസാജ് തെറാപ്പിസ്റ്റിനോട് മോശമായി പെരുമാറിയ സംഭവത്തിൽ താരത്തിനു അനുകൂലമായ കോടതി വിധി. സംഭവുമായി ബന്ധപ്പെട്ട് ഗെയ്ൽ നൽകിയ അപകീർത്തി കേസിലാണ് കോടതി വിധി പ്രഖ്യാപിച്ചത്. പ്രമുഖ ഓസ്ട്രേലിയന്‍ മാധ്യമത്തിനെതിരായിരുന്നു താരം കേസ് കൊടുത്തത്. മസാജ് തെറാപ്പിസ്റ്റിനോട് ഗെയ്ല്‍ മോശമായി പെരുമാറിയതായിട്ടാണ് ഫെയർഫാക്സ് മീഡിയ വാർത്ത നൽകിയത്.
ലോകകപ്പ് മത്സരത്തിനു വേണ്ടി സിഡ്നിയില്‍ എത്തിയ താരം ഡ്രസ്സിങ് റൂമില്‍ മസാജ് തെറാപ്പിസ്റ്റിനെ നഗ്നത കാണിച്ചു എന്നാണ് മാധ്യമം വാർത്ത നൽകിയത്. 2015 ൽ നടന്ന ലോകകപ്പിലായിരുന്നു ഈ സംഭവമെന്നു മാധ്യമം പറഞ്ഞിരുന്നത്. യുവതിയെ ഉദ്ധരിച്ചാണ് വാർത്ത നൽകിയത്. ഇതുമായി ബന്ധപ്പെട്ടാണ് താരം മാനനഷ്ടകേസ് കൊടുത്തത്. ഈ കേസിലാണ് കോടതി താരത്തെ കുറ്റവിമുക്തനാക്കിയത്.
ജനം സത്യം അറിയുന്നതിൽ സന്തോഷമുണ്ട്. വിഷയത്തിൽ താൻ നിരപരാധിയാണെന്നും താരം മാധ്യമങ്ങളോടു പ്രതികരിച്ചു
Post Your Comments