താനുമൊരു വലിയ വിജയ് ഫാൻ എന്ന് വെളിപ്പെടുത്തി ബോളിവുഡ് സുന്ദരി

നടൻ വിജയ്‌യുടെ വലിയൊരു ഫാൻ ആണ് താനെന്ന് താര ജാഡകൾ ഏതുമില്ലാതെ തുറന്നു പറഞ്ഞിരിക്കുകയാണ് ബോളിവുഡ് സുന്ദരി പ്രിയങ്ക ചോപ്ര.പറഞ്ഞുവരുമ്പോൾ വിജയ് യുമായി പ്രിയങ്കയ്ക്ക്അടുത്ത ഒരു ബന്ധമുണ്ട്.അധികമാരും ഓർക്കാത്ത ഒരു ബന്ധം.അല്ലെങ്കിൽ ശ്രദ്ധിക്കപ്പെടാതെ പോയ ഒരു ബന്ധം.ലോകസുന്ദരി പട്ടം നേടിയതിനു ശേഷം പ്രിയങ്ക ആദ്യമായി ഒരു തമിഴ് ചിത്രത്തിൽ അഭിനയിച്ചിരുന്നു.വിജയ് നായകനായ തമിഴൻ എന്ന ചിത്രത്തിലാണ് നായികയായി പ്രിയങ്ക എത്തിയത്.കൂടാതെ ചിത്രത്തിലെ ഉള്ളത്തിൽ കിള്ളാതെ എന്ന ഗാനവും താരം പാടിയിരുന്നു. വർഷങ്ങൾ ഏറെ പിന്നിട്ടു കഴിഞ്ഞു. പ്രിയങ്കയിന്ന് ബോളിവുഡും കടന്ന് ഹോളിവുഡിലേയ്ക്ക് ചേക്കേറിയ വിലപിടിപ്പുള്ള താരമാണ്.എന്നിട്ടും തനിക്ക് തന്റെ തമിഴിലെ ആദ്യ നായകനോടുള്ള ആരാധന തുറന്നു പറഞ്ഞിരിക്കുകയാണ് താരം.