ദിവസങ്ങളോളം ശബരിമല ഉള്‍വനത്തില്‍ അകപ്പെട്ടവരെ രക്ഷപ്പെടുത്തി

ചി​റ്റാ​ര്‍: ദിവസങ്ങളോളം ശബരിമല ഉള്‍വനത്തില്‍ അകപ്പെട്ടവരെ രക്ഷപ്പെടുത്തി. 25 ദി​വ​സം​മുമ്പു ശ​ബ​രി​മ​ല ഉ​ള്‍​വ​ന​ത്തി​ല്‍​ കാ​ണാ​താ​യ യു​വാ​വി​നെ​യും ര​ണ്ടു ദി​വ​സം​മുമ്പു കാ​ണാ​താ​യ മ​ധ്യ​വ​യ​സ്ക​നാ​യ തീ​ര്‍​ഥാ​ട​ക​നെ​യും വ​ന​പാ​ല​ക​രും പൊ​ലീ​സും ചേ​ര്‍​ന്ന്​ ര​ക്ഷ​പ്പെ​ടു​ത്തി. ഉ​ള്‍​വ​ന​ത്തി​ല്‍​നി​ന്ന്​ ക​ണ്ടു​കി​ട്ടി​യ​ത് പ​രു​മ​ല പു​ത്ത​ന്‍​പ​റമ്പി​ല്‍ സ​ജി വ​ര്‍​ഗീ​സി​നെ​യും (34) ത​മി​ഴ്നാ​ട് തി​രു​പ്പൂ​ര്‍ താ​രാ​പു​രം നാ​യി​ക്ക​ല്‍ പു​തു​തെ​രു​വ് 3/9 ല്‍ ​കു​പ്പു​സ്വാ​മി (52) യെ​യു​മാ​ണ്​.

പ​രു​മ​ല സ്വ​ദേ​ശി​യാ​യ സ​ജി വ​ര്‍​ഗീ​സ് പ​മ്പ​യി​ല്‍ കെ.​എ​സ്.​ഇ.​ബി​യു​ടെ കേ​ബി​ള്‍ വ​ലി​ക്കു​ന്ന​തി​ന് ക​രാ​ര്‍ പ​ണി​ക്ക് എ​ത്തി​യ​താ​ണ്. പ​മ്പ​യി​ല്‍​നി​ന്ന് സെ​പ്​​റ്റം​ബ​ര്‍ 24 മു​ത​ലാ​ണ് ഇ​ദ്ദേ​ഹ​ത്തെ ​ കാ​ണാ​താ​യ​ത്. സ​ജി​യെ കാ​ണാ​നി​ല്ലെ​ന്ന് ക​ഴി​ഞ്ഞ ദി​വ​സം വ​ന​പാ​ല​ക​രാ​ണ് സ​ജി വ​ര്‍​ഗീ​സ് അ​വ​ശ​നി​ല​യി​ല്‍ ഉ​ള്‍​വ​ന​ത്തി​ല്‍ കി​ട​ക്കു​ന്ന​താ​യി ക​ണ്ട​ത്. പ്ലാ​പ്പ​ള്ളി ഫോ​റ​സ്​​റ്റ്​ സ്​​റ്റേ​ഷ​നി​ലെ വ​ന​പാ​ല​ക​രാ​ണ് ക​ഴി​ഞ്ഞ ദി​വ​സം ശ​ബ​രി​മ​ല ഉ​ള്‍​വ​ന​ത്തി​ലു​ള്ള പ്ലാ​ന്തോ​ട് ക്യാ​മ്ബി​ലെ ഷെ​​ഡി​ലേ​ക്കു പോ​ക​വെ പൂ​ര്‍​ണ​ന​ഗ്​​ന​നാ​യി പു​ഴു​വ​രി​ച്ച അ​വ​ശ​നി​ല​യി​ല്‍ സ​ജി കി​ട​ക്കു​ന്ന​ത് കാ​ണു​ന്ന​ത്. യു​വാ​വി​നെ ക​ണ്ടെ​ത്തി​യ സ്ഥ​ലം എ​പ്പോ​ഴും കാ​ട്ടാ​ന​യു​ടെ​യും ക​ടു​വ​ക​ളു​ടെ​യും സാ​നി​ധ്യ​മു​ള്ള സ്ഥ​ല​മാ​ണ്. ഉ​ട​ന്‍ വ​ന​പാ​ല​ക​ര്‍ സു​ര​ക്ഷി​ത​മാ​യ സ്ഥ​ല​ത്ത് എ​ത്തി​ച്ച്‌ യു​വാ​വി​ന് ബി​സ്ക​റ്റും വെ​ള്ള​വും ന​ല്‍​കി.

പ​മ്പ പൊ​ലീ​സ് ര​ണ്ടു​ദി​വ​സ​മാ​യി ശ​ബ​രി​മ​ല തീ​ര്‍​ഥാ​ട​ന​ത്തി​നെ​ത്തി​യ കു​പ്പു​സ്വാ​മി​യെ തി​ര​യു​ക​യാ​യി​രു​ന്നു. സ​ന്നി​ധാ​ന​ത്തെ സി.​സി ടി.​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​പ്പോ​ള്‍ കൊ​പ്ര​ക്ക​ളം ഭാ​ഗ​ത്തേ​ക്കു പോ​കു​ന്ന​താ​യി ശ്ര​ദ്ധ​യി​ല്‍​പെ​ട്ടു. അ​വി​ടെ വ​നം വ​കു​പ്പ് സ്ഥാ​പി​ച്ച സി.​സി ടി.​വി കാ​മ​റ​യി​ല്‍ വെ​ള്ളി​യാ​ഴ്ച വൈ​കീ​ട്ട് 4.30ന് ​കു​പ്പു​സ്വാ​മി​യെ ക​ണ്ടു. വ​ന​പാ​ല​ക​രും പൊ​ലീ​സും ചേ​ര്‍​ന്ന് തി​ര​ച്ചി​ല്‍ ന​ട​ത്തി​യ​പ്പോ​ഴാ​ണ് കു​പ്പു​സ്വാ​മി​യെ വ​ന​ത്തി​നു​ള്ളി​ല്‍​നി​ന്ന്​ ക​ണ്ടു​കി​ട്ടി​യ​ത്.