കാബൂള്‍: അഫ്ഗാനിസ്ഥാന്‍റെ തലസ്ഥാനമായ കാബൂളില്‍ ഭീകരാക്രമണം രൂക്ഷമായി. ആക്രമണത്തില്‍ 15 സൈനികര്‍ വീരമൃത്യു വരിച്ചു. സൈനിക പരിശീലന കേന്ദ്രത്തിനു സമീപമായിരുന്നു ആക്രമണം നടന്നത്. സംഭവത്തില്‍ അനേകം സൈനികര്‍ക്ക് പരിക്കേറ്റു. മാര്‍ഷല്‍ ഫാഹിം മിലിറ്ററി അക്കാഡമിയുടെ മുമ്പിലാണ്‌
ചാവേര്‍ ആക്രമണം ഭീകരർ നടത്തിയത്. കേഡറ്റുകള്‍ യാത്ര ചെയ്ത ബസ് ചാവേര്‍ ആക്രമണത്തില്‍ തകര്‍ന്നു.
പടിഞ്ഞാറന്‍ കാബൂളില്‍ ഷിയാ മോസ്കില്‍ ആക്രമണം നടന്നതിന്റെ പിറ്റേന്നാണ് ആക്രമണം നടന്നത്. അതും ചാവേര്‍ ആക്രമണമായിരുന്നു. ഈ ആക്രമണത്തില്‍ 32 ലധികം പേര്‍ക്ക് ജീവൻ നഷ്ടമായി. സംഭവത്തിന്‍റെ ഉത്തരവാദിത്വം ഏറ്റെടുത്ത് ഐഎസ് രംഗത്തു വന്നിട്ടുണ്ട്. അഫ്ഗാനിസ്ഥാനിൽ ഈ വര്‍ഷം ഭീകരാക്രമണം വർധിച്ചതായിട്ടാണ് റിപ്പോർട്ടുകൾ.
Post Your Comments