ഗോഹട്ടി: അണ്ടര്‍ 17 ലോകകപ്പിലെ സെമി പോരാട്ടത്തിനു മാലി യോഗ്യത നേടി. ഘാനയെ പരാജയപ്പെടുത്തിയാണ് മാലി സെമിയിലേക്ക് പ്രവേശിച്ചത്. രണ്ടു ഗോളുകളാണ് മാലി മത്സരത്തിൽ സ്വന്തമാക്കിയത്. ഹാജി ദ്രാമെ, മൂസ ട്രവോറി എന്നിവരാണ് മാലിക്കു വേണ്ടി ഘാനയുടെ ഗോൾ വല ചലിപ്പിച്ചത്. ഘാനയ്ക്കു വേണ്ടി കുദൂസ് മുഹമ്മദ് ഗോൾ സ്വന്തമാക്കി. ഇതായിരുന്നു ഘാനയുടെ ഏക ഗോൾ.
കനത്തെ മഴ കാരണം നനഞ്ഞുകുതിര്‍ന്ന സ്‌റ്റേഡിയത്തിൽ കരുത്തരായ ഘാനയെ മികച്ച പോരാട്ടം നടത്തിയാണ് മാലി തോൽപ്പിച്ചത്. 15-ാം മിനിറ്റിലായിരുന്നു ഹാജി ദ്രാമെ ആദ്യ ഗോൾ സ്വന്തമാക്കിയത്. പിന്നീട് 61-ാം മിനിറ്റില്‍ മൂസയും മാലിക്കായി ഘാനയുടെ ഗോൾ വല ചലിപ്പിച്ചു. ഘാനയ്ക്കു വേണ്ടി കുദൂസ് മുഹമ്മദ് 70-ാം മിനിറ്റിൽ ഏക ഗോള്‍ സ്വന്തമാക്കി.
Post Your Comments