വിവാഹ വാഗ്ദാനം നല്‍കി പീഡിപ്പിച്ചെന്നാരോപിച്ച്‌ പരാതി. തൃശൂര്‍ വാടാനപ്പള്ളി സ്വദേശിക്കെതിരെയാണ് യുവതി പരാതി നൽകിയത്. രണ്ട് വര്‍ഷം നാട്ടിലും വിദേശത്തും വച്ച്‌ തുടര്‍ച്ചയായി പീഡിപ്പിച്ച ശേഷം വിവാഹം നടത്താതെ ഉപേക്ഷിച്ചെന്നാണ് ആരോപണം.
തൃശൂര്‍ സിറ്റി പോലീസ് കമ്മീഷണര്‍ക്ക് നല്‍കിയ പരാതിയില്‍ പീഡനത്തിനെതിരെ നല്‍കിയ പരാതി പിന്‍വലിക്കാന്‍ നഗ്ന ചിത്രങ്ങള്‍ കാട്ടി ഭീഷണി മുഴക്കിയെന്നും യുവതി വ്യക്തമാക്കി. തൃശൂര്‍ വാടാനപ്പള്ളി സ്വദേശി കമറുദ്ദീന്‍ മുപ്പത്തിയാറ് കാരിയായ യുവതിയുമായി പരിചയം സ്ഥാപിച്ചുവെന്നും പിന്നീട് വിവാഹ വാദ്ഗാനം നല്‍കി പീഡിപ്പിച്ചുവെന്നുമാണ് ആരോപണം.
ഇയാള്‍ യുവതിയെ വിദേശത്തെത്തിച്ച് തുടര്‍ച്ചയായി ലൈംഗികമായി ഉപയോഗിച്ചു. രണ്ട് വര്‍ഷത്തിനു ശേഷം ജോലി ശരിയാക്കി നല്‍കാമെന്നും വിവാഹം കഴിക്കാമെന്നുമുള്ള വാഗ്ദാനങ്ങള്‍ പാലിക്കാതെ ഇവരെയും മക്കളെയും നാട്ടിലേക്ക് തിരിച്ചയച്ചു.
കമറുദ്ദീന്‍ മുമ്പു പകര്‍ത്തിയ നഗ്ന ദൃശ്യങ്ങള്‍ കാണിച്ച്‌ നാട്ടില്‍ വച്ചും പീഡനം നടത്തിയെന്നും പരാതിയുണ്ട്. കമാറുദ്ദീനെതിരെ നല്‍കിയ പരാതി പിന്‍വലിക്കാന്‍ വധ ഭീഷണി മുഴക്കുന്നുവെന്നും പറയുന്നു. ഭര്‍ത്താവില്‍ നിന്ന് വേര്‍പിരിഞ്ഞ് മക്കള്‍ക്കൊപ്പം താമസിച്ച്‌ വരവെയാണ് വിവാഹം കഴിക്കാമെന്നറിയിച്ച്‌ കമറുദ്ദീന്‍ ഇവരുമായി അടുപ്പത്തിലായത്. പിന്നീട് നഗ്ന ദൃശ്യങ്ങള്‍ ഒളിക്യാമറയില്‍ പകര്‍ത്തിയാണ് ഇയാള്‍ വരുതിക്കു നില്‍ക്കാന്‍ ഭീഷണി മുഴക്കിയത്.
Post Your Comments