ബെയ്ജിങ്: സീറ്റ് ബെല്‍റ്റില്ലാത്ത യാത്ര ആരോഗ്യത്തിന് ഹാനികരം എന്ന് മനസിലാക്കി തരുകയാണ് ഈ വീഡിയോ. ഇത് ചൈനയിലെ ഹുനാന്‍ പ്രവിശ്യയിലെ ജീജൗ നഗരത്തില്‍ നടന്ന അപകടത്തിന്റെ ദൃശ്യങ്ങളാണ്. ദിശതെറ്റിയെത്തിയ കാറില്‍ ഇടിക്കാതിരിക്കാന്‍ ബസ് വെട്ടിച്ചപ്പോള്‍ നിയന്ത്രണം വിട്ട് മറിയുകയുമായിരുന്നു. ബസ് ആടിയുലയുന്നതും ഒരു വശത്തേക്കു മറിയുന്നതും ദൃശ്യങ്ങളില്‍ വ്യക്തമാണ്.
ഈ ദൃശ്യത്തിൽ സീറ്റ് ബെല്‍റ്റ് ധരിച്ചവര്‍ക്ക് കാര്യമായി അപകടം സംഭവിച്ചിട്ടെന്ന കാണാൻ സാധിക്കും. മറിച്ച് സീറ്റ് ബെല്‍റ്റ് ധരിക്കാത്തവര്‍ ഇടിയുടെ ആഘാതത്തില്‍ സീറ്റില്‍നിന്ന് തെറിച്ചു വീഴുന്നതായി കാണാം.
വീഡിയോയില്‍ ബസിന്റെ ഏറ്റവും മുന്നിലെ സീറ്റില്‍ രണ്ടു പെണ്‍കുട്ടികള്‍ ഇരിക്കുന്നത് കാണാം. മൊബൈലില്‍ ശ്രദ്ധിച്ചാണ് രണ്ടുപേരും ഇരിക്കുന്നത്. സീറ്റ് ബെല്‍റ്റ് ഇതില്‍ ഒരാള്‍ മാത്രമാണ് ധരിച്ചിരിക്കുന്നത്. കാറിന്റെ ഇടിയുടെ ആഘാതത്തില്‍ സീറ്റ് ബെല്‍റ്റ് ധരിക്കാത്ത പെണ്‍കുട്ടി സീറ്റില്‍നിന്ന് തെറിച്ചു തെറിച്ചു വീഴുന്നത് കാണാം. സീറ്റ് ബെല്‍റ്റ് ധരിക്കാത്ത മറ്റു യാത്രക്കാരും സീറ്റുകളില്‍നിന്ന് തെറിച്ചു വീഴുന്നത് വീഡിയോയില്‍ വ്യക്തമാണ്.
Post Your Comments