റാസൽ ഖൈമ : ട്രക്ക് അപകടത്തിൽ തീപൊള്ളലേറ്റ ഇന്ത്യക്കാരന് രക്ഷയായത് അറബ് യുവതി. കഴിഞ്ഞ ദിവസം റാസൽഖൈമയിൽ രണ്ട് ട്രക്കുകൾ തമ്മിൽ കൂട്ടിയിടിച്ച് അപകടം നടന്നിരുന്നു.
വാഹനം ഓടിച്ചിരുന്നു എച്ച് സിംഗ് എന്ന യുവാവിന്റെ വസ്ത്രങ്ങളിൽ തീപിടിച്ച് പൊള്ളലേറ്റിരുന്നു. ഈ സമയത്ത് കാറിൽ യാത്ര ചെയ്തിരുന്ന യുവതി പൊള്ളലേറ്റ യുവാവിനെ വാഹനത്തിൽ നിന്ന് വലിച്ച് പുറത്തിറക്കി തന്റെ മേൽ വസ്ത്രം കൊണ്ട് തീകെടുത്തുകയായിരുന്നു.
ഇതിന് ശേഷം സ്ഥലത്തെത്തിയ പോലീസ് യുവാവിനെ ആശുപത്രിയിൽ എത്തിക്കുകയായിരുന്നു. ഇയാളെ രക്ഷിച്ച യുവതിയെ കുറിച്ച് വിവരങ്ങളൊന്നും ലഭിച്ചിട്ടില്ല. യുവതിയെ കുറിച്ച് എന്തെങ്കിലും വിവരങ്ങൾ ലഭിച്ചാൽ യുവതിക്ക് ധീരതയ്കുള്ള അംഗീകാരം നൽകുമെന്ന് മേജർ താരിഖ് മുഹമ്മദ് ഷാരൻ പറഞ്ഞു.
Post Your Comments