അഹമ്മദാബാദ്: മോദി മോഡലിനെ വിമർശിച്ച് കോണ്ഗ്രസ് ഉപാധ്യക്ഷൻ രാഹുൽ ഗാന്ധി. ഗുജറാത്ത് പര്യടനത്തിലാണ് കോണ്ഗ്രസ് ഉപാധ്യക്ഷൻ മോദി സർക്കാരിനെ രൂക്ഷമായി വിമർശിച്ചു. മോദി മോഡലിന്റെ നേട്ടം അഞ്ചോ പത്തോ വ്യവസായികൾക്ക് മാത്രമാണ്. ഇവരാണ് പാവപ്പെട്ടവർ കഷ്ടപ്പെടുന്നതിന്‍റെ ഫലമനുഭവിക്കുന്നതെന്നും രാഹുൽ കുറ്റപ്പെടുത്തി. ഇതിനു മാറ്റം വേണം. നിരവധി സാധാരണക്കാരുടെ അധ്വാനത്തിന്റെ ഫലം അനുഭവിക്കുന്നത് ഏതാനും വ്യവസായികൾ മാത്രമാണ്. ഇതാണ് മോദി മോഡൽ വികസനം. ഗുജറാത്തിലും ഇതാണ് അവസ്ഥയെന്നും രാഹുൽ പറഞ്ഞു.
ഡൽഹിയിൽനിന്നു റിമോട്ട് ഉപയോഗിച്ചു നിയന്ത്രിക്കുന്ന സർക്കാരാണ് ഗുജറാത്ത് ഭരിക്കുന്നത്. ഇതിനു മാറ്റം വന്നാൽ മാത്രമേ ഇവിടെ വികസനം സാധ്യമാകൂയെന്നും രാഹുൽ കൂട്ടിച്ചേർത്തു.
Post Your Comments