കോഴിക്കോട്: ഹോസ്റ്റൽ മുറിയിൽ വിദ്യാർത്ഥിയെ മരിച്ച നിലയിൽ കണ്ടെത്തി. കോഴിക്കോട് എന്‍ഐടിയിലെ വിദ്യാർത്ഥിയും തിരുവനന്തപുരം സ്വദേശിയുമായ അരുണ്‍ കൃഷ്ണ (24) ആണ് മരിച്ചത്. രാവിലെ 11 മണിയോടെയാണ് സംഭവം .എംടെക്‌ നാനോ ടെക്നോളജി ഒന്നാം വര്‍ഷ വിദ്യാര്‍ഥിയായ അരുൺ എന്‍ഐടി എംബിഎ ഹോസ്റ്റലിന്റെ നാലാം നിലയിലെ 2405ാം നമ്പര്‍ മുറിയിലായിരുന്നു താമസിച്ചിരുന്നത്.
രാവിലെ സഹപാഠി വിളിച്ചിട്ട് ഫോണ്‍ എടുക്കാത്തതിനെത്തുടര്‍ന്ന് വാര്‍ഡനും സെക്യൂരിറ്റിയുമെല്ലാം എത്തി മുറിയുടെ വാതില്‍ തള്ളിത്തുറന്നപ്പോൾ മുറിയിലെ ജനലില്‍ തൂങ്ങിയ നിലയിൽ കണ്ടെത്തുകയായിരുന്നു. കഴിഞ്ഞ ദിവസം അരുണിനെ കണ്ടപ്പോള്‍ പെരുമാറ്റത്തില്‍ പ്രത്യേകിച്ച് വ്യത്യാസമൊന്നും തോന്നിയിരുന്നില്ലെന്ന് സഹപാഠി പറഞ്ഞു. ആത്മഹത്യയാണെന്ന് സംശയിക്കുന്നതായും അന്വേഷണം ആരംഭിച്ചതായും പോലീസ് പറഞ്ഞു.
Post Your Comments