ന്യൂയോര്‍ക്ക്: ഹോളിവുഡ് നടിയോടൊപ്പമുള്ള രാഹുല്‍ഗാന്ധിയുടെ ചിത്രം വൈറലാകുന്നു. രണ്ടാഴ്ചത്തെ സന്ദര്‍ശനത്തിനായി അമേരിക്കയിലെത്തിയ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ സ്പാനിഷ് – ആസ്‌ട്രേലിയന്‍ നടിയോടൊപ്പം കണ്ടത് സാമൂഹിക മാധ്യമങ്ങളില്‍ ഇപ്പോള്‍ ചര്‍ച്ചയായി കഴിഞ്ഞു. രാഹുലിനോടൊപ്പമുള്ള ചിത്രം നതാലിയ റാമോസ് എന്ന ഹോളിവുഡ് നടി ഇന്‍സ്റ്റഗ്രാമില്‍ പോസ്റ്റ് ചെയ്തതോടെയാണ് ചര്‍ച്ച തുടങ്ങിയത്.
”കഴിഞ്ഞ രാത്രി വാക്ചാതുര്യവും ഉള്‍ക്കാഴ്ചയുമുള്ള രാഹുല്‍ ഗാന്ധിയോടൊപ്പമായിരുന്നു. താന്‍ വളരെ അനുഗ്രഹീതയാണെന്ന് തോന്നുന്നു. വിവിധയിടങ്ങളിലെ ചിന്തകന്‍മാരുമായി സംവദിക്കാന്‍ അവസരം ലഭിച്ചിരിക്കുന്നു. തുറന്ന മനസും ഹൃദയവുമുണ്ടെങ്കില്‍ മാത്രമേ ലോകത്തെ മികച്ച സ്ഥലമാക്കി മാറ്റാന്‍ സാധിക്കൂ”വെന്നും ചിത്രം പോസ്റ്റ് ചെയ്തുകൊണ്ട് നടി കുറിച്ചിരുന്നു.
രാഹുല്‍ ഇന്ത്യയുടെ പ്രധാനമന്ത്രിയാകുമെന്ന് നിങ്ങള്‍ സ്വപ്നം കണ്ടോളൂ; ഇന്ത്യയില്‍ കുടുംബ വാഴ്ചയുണ്ടല്ലോ എന്നും രാഹുല്‍ ഗാന്ധി നല്‍കിയ ഉള്‍ക്കാഴ്ച എന്താണെന്നും തുടങ്ങി നിരവധി കമന്റുകളാണ് പോസ്റ്റിനു ലഭിച്ചിട്ടുള്ളത്.
Post Your Comments