നടിയെ ആക്രമിച്ച കേസില്‍ ജയിലില്‍ കഴിയുന്ന നടന്‍ ദിലീപീനെ അനുകൂലിച്ച്‌ ലേഖനമെഴുതിയ മുന്‍ സിപിഐഎം എംപിയും അഭിഭാഷകനുമായ സെബാസ്റ്റ്യന്‍ പോളിനെതിരെയുള്ള രോഷം ആളി കത്തുന്നു. സെബാസ്റ്റിയന്‍ പോളിനെ വിമര്‍ശിച്ച്‌ ഫെയ്സ്ബുക്ക് കുറിപ്പെഴുതി ഇപ്പോള്‍ രംഗത്തെത്തിയിരിക്കുന്നത് സാമൂഹിക പ്രവര്‍ത്തക സാറാ ജോസഫാണ്.
ഫെയ്സ്ബുക്ക് പോസ്റ്റിന്റെ പൂര്‍ണ രൂപം
നിങ്ങൾക്ക് തെറ്റുപറ്റി ശ്രീ.സെബാസ്റ്റ്യൻ പോൾ. സ്ത്രീകളുടെ രോഷം നിങ്ങൾക്കെതിരെ കത്തിക്കാളുന്നത് നിങ്ങളുടെ തെറ്റ് ഏതോ വലിയ ഗൂഢാലോചനയുടെ ഫലമാണെന്ന് ഇരകളുടെ ഭാഗത്ത് നിന്നു കൊണ്ടു ചിന്തിക്കാൻ സ്ത്രീകളെ പ്രേരിപ്പിക്കുന്നതിനാലാണ്. നിങ്ങൾ ഇതുവരെ ഉണ്ടാക്കിയെടുത്ത ഇമേജിനുമേൽ ഷാഹിന എന്ന പെൺകുട്ടി വെച്ച റീത്തുണ്ടല്ലോ, നിരപരാധികളും നീതി നിഷേധിക്കപ്പെട്ടവരുമായ നൂറുകണക്കിന് സ്ത്രീകളുടെ ശാപവാക്കുകൾ കൊണ്ട് മെനഞ്ഞതാണെന്ന് മറക്കണ്ട.
Post Your Comments