മതമൈത്രിയുടെ പ്രതീകമായി ഇസബെൽ കൃഷ്ണനായി

തിരുവനന്തപുരം•മതമൈത്രിയുടെ, സാഹോദര്യത്തിന്റെ കുപ്പായമണിഞ്ഞു ഇസബെൽ കൃഷ്ണ വേഷമണിഞ്ഞു. ശ്രീകൃഷ്ണ ജയന്തിയോടനുബന്ധിച്ചു തിരുവനന്തപുരം, വട്ടവിള ആഘോഷങ്ങളുടെ ഭാഗമായി നടന്ന ഘോഷയാത്രയിലാണ് ബിജെപി ന്യൂനപക്ഷ മോർച്ചാ ജനറൽ സെക്രട്ടറി ബീഗം ആഷാ ഷെറിന്റെ മകൾ ഇസബെൽ ശ്രീകൃഷ്ണ വേഷം കെട്ടിയത്. തിരുമല, വിശ്വപ്രകാശ് സെൻട്രൽ സ്കൂൾ അഞ്ചാം ക്ലാസ് വിദ്യാർത്ഥിയായ ഇസബെൽ ആദ്യമായാണ് കൃഷ്ണ വേഷം കെട്ടി ഘോഷയാത്രയിൽ അണിചേർന്നത്. ഇസബെൽ വേഷമിട്ടു ഘോഷയാത്രയിൽ അണിനിരന്നതിൽ നാട്ടുകാർക്കു കൗതുകവും, സന്തോഷവും പകർന്ന ഒന്നായി.