ടോക്കിയോ•പറന്നുയരുന്നതിനിടെ പക്ഷിയിടിച്ച് തീപ്പിടിച്ചതിനെ തുടര്‍ന്ന് യാത്രാ വിമാനം അടിയന്തിരമായി തിരിച്ചിറക്കി. ജപ്പാന്‍ എയര്‍ലൈന്‍സ് വിമാനമാണ് പറന്നുയര്‍ന്ന് ഏതാനും സമയത്തിനകം ടോക്കിയോയിലെ ഹനേഡ അന്താരാഷ്ട്ര വിമാനത്താവളത്തില്‍ തന്നെ തിരിച്ചിറക്കിയത്.
248 പേരാണ് വിമാനത്തില്‍ ഉണ്ടായിരുന്നതായും ഇവരെല്ലാം സുരക്ഷിതരാണെന്നും വിമാനക്കമ്പനി വക്താവ് അറിയിച്ചു.
ടേക്ക് ഓഫിന് പിന്നാലെ ബോയിംഗ് 777 വിമാനത്തിന്റെ എന്‍ജിനുകളില്‍ ഒന്നിന് തീപ്പിടിച്ചത് വീഡിയോ ദൃശ്യങ്ങളില്‍ കാണാം.
പക്ഷിയിടിച്ചതാണ് അപകടകാരണമെന്നാണ് പ്രാഥമിക നിഗമനം. സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ടെന്നും വക്താവ് പറഞ്ഞു.
ന്യൂയോര്‍ക്കിലേക്ക് പുറപ്പെട്ട വിമാനത്തില്‍ 233 യാത്രക്കാരും 15 ജീവനക്കാരുമാണ് ഉണ്ടായിരുന്നത്.
Post Your Comments