കഴിഞ്ഞക്കുറച്ചു നാളുകളായി ഓണ്‍ലൈന്‍ മധ്യമങ്ങളിലേ ചര്‍ച്ചയായിരുന്നു സംവിധായകന്‍ ഐ വി ശശിയും നടി സീമയും വിവാഹ മോചിതരാകുന്നുവെന്നത്. എന്നാല്‍ ഈ വാര്‍ത്തയെ ഇരുവരും തള്ളിക്കളഞ്ഞു രംഗത്ത് എത്തിയിരുന്നു. ഇരുവരും വിവാഹിതരായിട്ട് ഇന്നലെ 37-ആം വിവാഹവാര്‍ഷികം ആഘോഷിച്ചു.
1980 ഓഗസ്ത് 28നാണ് ഐ വി ശശിയും നടി സീമയും തമ്മിലുള്ള വിവാഹം നടന്നത്.
ഗൃഹലക്ഷ്മി പ്രൊഡക്ഷന്‍സിന്റെ ബാനറില്‍ ഐവി ശശിയുടെ നിരവധി ചിത്രങ്ങള്‍ നിര്‍മ്മിച്ച ചലച്ചിത്ര നിര്‍മ്മാതാവും മാതൃഭൂമി ഡയറക്ടറുമായ പി.വി.ഗംഗാധരന്റെ വീട്ടിലാണ് ഐ.വി.ശശിയുടെയും സീമയുടെയും വിവാഹവാര്‍ഷികാഘോഷം നടന്നത്. ആഘോഷങ്ങള്‍ക്കിടെ പരസ്പരം പൂമാലയണിയിച്ച്‌ സീമയും ഐവി ശശിയും ആ പഴയ വധൂവരന്മാരായി. ഒരുമിച്ച്‌ കേക്ക് മുറിച്ചും സന്തോഷം പങ്കുവച്ചു. സീമയും ഐ.വി.ശശിയും പിരിയാന്‍ പോവുന്നു എന്ന ഗോസിപ് വാര്‍ത്തയുടെ പിറകേ ഇനിയാരും പോവിലല്ലോ എന്ന് സീമ പറഞ്ഞു.
Post Your Comments