സോള്‍: ദക്ഷിണ കൊറിയന്‍ പ്രസിഡന്‍റിന്റെ ഇംപീച്ച്മെന്റിന് വരെ കാരണമായ കൈക്കുലി കേസില്‍ സാംസങ് മേധാവി ജെ വൈ ലീക്കിന് അഞ്ച് വര്‍ഷം തടവ്. സാംസങില്‍ അനധികൃതമായി അധികാരം സ്ഥാപിക്കാന്‍ സര്‍ക്കാര്‍ അധികാരികള്‍ക്ക് കൈക്കൂലി കൊടുത്തു എന്നാണ് ലീക്കെതിരെയുള്ള ആരോപണം.
ലീക്കിന് 12 വര്‍ഷം തടവുശിക്ഷ നല്‍കണമെന്നായിരുന്നു പ്രോസിക്യൂഷന്‍ ആവശ്യപ്പെട്ടിരുന്നത്. എന്നാല്‍ കോടതി ഇത് അംഗീകരിച്ചില്ല. ദക്ഷിണ കൊറിയയിലെ വന്‍കിട കമ്പനികളെ സംബന്ധിച്ചടുത്തോളം നിര്‍ണായകമായിരുന്നു വിധി. രാജ്യത്തെ കോര്‍പ്പറേറ്റ് കമ്പനികളും സര്‍ക്കാര്‍ അധികാരികളും തമ്മിലെ അവിഹിത ബന്ധത്തെ കുറിച്ച്‌ നേരത്തെ തന്നെ ആരോപണങ്ങളുയര്‍ന്നിരുന്നു.
ദക്ഷിണ കൊറിയന്‍ പ്രസിഡന്‍റ് പാര്‍ക്ക് ജെന്‍ ഹെയുടെ ഇംപീച്ച്മെന്റിന് വരെ കാരണമായ കേസിലാണ് ലോകത്തെ പ്രമുഖ കമ്പനിയുടെ മേധാവി ജയിലില്‍ എത്തുന്നത്. നേരത്തെ സ്മാര്‍ട്ട് ഫോണ്‍ ഉള്‍പ്പടെയുള്ള സൗകര്യങ്ങളില്ലാതെയുള്ള സാംസങ് മേധാവിയുടെ ജയില്‍ ജീവിതം വാര്‍ത്തകളിലിടം പിടിച്ചിരുന്നു. കമ്പനിയുടെ പ്രധാനപ്പെട്ട മോഡലുകളിലൊന്നായ നോട്ട് 8 സാസംങ് ബുധനാഴ്ച പുറത്തിറക്കിയിരുന്നു. ഇതിന് പിന്നാലെയാണ് സാംസങ് മേധാവിക്ക് തടവ് ശിക്ഷ ലഭിക്കുന്നത്.
Post Your Comments