നെടുമ്പാശ്ശേരി : ലക്ഷദ്വീപില്‍ നിന്നുള്ള ഹജ്ജ് തീര്‍ഥാടക സംഘം ഇന്ന് യാത്ര തിരിക്കും. 305 പേരാണ് ലക്ഷദ്വീപില്‍നിന്ന് ഹജ്ജ് കമ്മിറ്റി വഴി യാത്രയാകുന്നത്. ഇവര്‍ ഇന്നലെ രാവിലെ 10 ഒാടെ ഹജ്ജ് ക്യാമ്പിലെത്തി. കേരള ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവിയുടെ നേതൃത്വത്തില്‍ സ്വീകരിച്ചു. ലക്ഷദ്വീപ് ഹജ്ജ് കമ്മിറ്റി ചെയര്‍മാന്‍ ഹംസക്കോയ ഫൈസിയുടെ നേതൃത്വത്തിലാണ് എത്തിയത്.
ലക്ഷദ്വീപില്‍ ജനവാസമുള്ള 10 ദ്വീപില്‍നിന്നും പ്രാതിനിധ്യമുണ്ട്. 62 ഹാജിമാരുള്ള ആന്ത്രോത്ത് ദ്വീപില്‍ നിന്നാണ് ഏറ്റവും കൂടുതല്‍ പേര്‍. 373 പേരാണ് ലക്ഷദ്വീപില്‍ നിന്നും ഹജ്ജ് കമ്മിറ്റി വഴി അപേക്ഷ നല്‍കിയിരുന്നത്. ഞായര്‍ രാവിലെ 5.45 ന് പുറപ്പെടുന്ന സൗദി എയര്‍ലൈന്‍സ് വിമാനത്തില്‍ 300 പേരും 10.15 ന് പുറപ്പെടുന്ന വിമാനത്തില്‍ ബാക്കി അഞ്ച് പേരും യാത്രയാകും. ഈ വിമാനത്തില്‍ ബാക്കി 295 പേര്‍ കേരളത്തില്‍ നിന്നുള്ളവരാണ്.
Post Your Comments