ഹൈദരാബാദ്: പ്രമുഖ തെലുങ്ക് നടിയെ പീഡിപ്പിക്കാന്‍ ശ്രമിച്ച കേസിൽ തെലുങ്ക് നടന്‍ സ്രുജന്‍, സംവിധായകന്‍ ചലപതി എന്നിവർ അറസ്റ്റിൽ. സ്രുജനും ചലപതിയും ചേർന്ന് ഓടിക്കൊണ്ടിരുന്ന കാറില്‍ വച്ച്‌ തന്നെ പീഡിപ്പിക്കാൻ ശ്രമിച്ചുവെന്ന് ആരോപിച്ച് ഓഗസ്റ്റ് 15നാണ് നടി പരാതി നല്‍കിയത്. ഷൂട്ടിംഗിനായി ഹൈദരാബാദിലെ ബീമാവരത്തേക്ക് പോകാമെന്ന് പറഞ്ഞ് വിശ്വസിപ്പിച്ചാണ് നടിയെ സംവിധായകനും നടനും കാറില്‍ കയറ്റിയത്. എന്നാൽ കാറിൽ വെച്ച് പീഡിപ്പിക്കാൻ ശ്രമിക്കുകയായിരുന്നുവെന്നും എതിര്‍ത്തതോടെ ഇരുവരും തന്നെ പിന്നിലെ സീറ്റിലേക്ക് തള്ളിയിട്ട ശേഷം ആക്രമിക്കുകയായിരുന്നെന്നും നടി പറയുന്നു.
ഇതിനിടെ കാര്‍ എതിരെ വന്ന ഒരു ലോറിയുമായി കൂട്ടിയിടിച്ചതോടെയാണ് താന്‍ രക്ഷപ്പെട്ടത്. താൻ വിവരം അറിയിച്ചതിനനുസരിച്ച് സുഹൃത്തുക്കൾ എത്തിയാണ് തന്നെ ആശുപത്രിയിൽ പ്രവേശിപ്പിച്ചതെന്നും നടി വ്യക്തമാക്കി. ഇരുവരെയും പതിനാല് ദിവസത്തേക്ക് റിമാന്‍ഡ് ചെയ്തു.
Post Your Comments