ന്യൂ യോർക്ക് ; യുഎസ് ഓപ്പൺ വൈൽഡ്കാർഡ് എൻട്രി സ്വന്തമാക്കി ഷറപ്പോവ. വിലക്കിനുശേഷം ആദ്യമായി യുഎസ് ഓപ്പൺ ഗ്രാൻഡ് സ്ലാം മത്സരത്തിനാണ് ഷറപ്പോവ എത്തുന്നത്. ഓഗസ്റ്റ് 28 മുതൽ സെപ്റ്റംബർ വരെയാണ് യുഎസ് ഓപ്പൺ ടെന്നീസ് മത്സരങ്ങൾ നടക്കുന്നത്.
ഉത്തേജകമരുന്ന് പരിശോധനയിൽ പിടിക്കപ്പെട്ടതോടെയാണ് മുൻ ലോക ഒന്നാം നമ്പർ താരമായിരുന്ന ഷറപ്പോവയ്ക്ക് 15 മാസം വിലക്ക് ഏർപ്പെടുത്തിയത്. മുപ്പതുകാരിയായ ഷറപ്പോവ അഞ്ചു തവണ ഗ്രാൻഡ് സ്ലാം കിരീടം സ്വന്തമാക്കിയിട്ടുണ്ട്. ഉത്തേജക മരുന്ന് ഉപയോഗിക്കുന്നതിനെതിരെ ന്നീസിലെ നിയമങ്ങൾക്കു വിധേയമായാണ് ഷറപ്പോവയെവിലക്കിയത്. ഈ വിലക്കിന്‍റെ കാലാവധി അവസാനിച്ചെന്നും താരത്തെ മാറ്റിനിർത്താൻ തക്കകാരണങ്ങളൊന്നും നിലവിലില്ലെന്നും യുഎസ് ടെന്നീസ് അസോസിയേഷൻ അറിയിച്ചു.
Post Your Comments