ഓണത്തോടനുബന്ധിച്ച് ആകര്‍ഷക ഓഫറുകളുമായി ബി.എസ്.എന്‍.എല്‍. ഒരു വര്‍ഷം കാലാവധിയുള്ള 44 രൂപയുടെ പുതിയ ഓണം പ്രീപെയ്ഡ് മൊബൈല്‍ പ്ലാനിന് 20 രൂപയുടെ ടോക്ക് ടൈം ലഭിക്കും.
ആദ്യത്തെ 30 ദിവസം ബി.എസ്.എന്‍.എല്‍ കോളുകള്‍ക്ക് മിനിറ്റിന് അഞ്ച് പൈസയും മറ്റ് കോളുകള്‍ക്ക് ഇന്ത്യയിലെവിടേക്കും മിനിറ്റിന് 10 പൈസയുമാണ് കോള്‍ നിരക്ക്. ഈ കാലയളവില്‍ 500 എം.ബി ഡാറ്റയും ലഭിക്കും. ഒരുമാസത്തിന് ശേഷം സെക്കന്റിന് ഒരുപൈസയും ഒരു എം.ബി ഡാറ്റക്ക് 10 പൈസയുമാണ് ഈടാക്കുക.
ഫ്രണ്ട്‌സ് ആൻഡ് ഫാമിലി സ്‌കീമിൽ 4 നമ്പറുകളിലേക്ക് കുറഞ്ഞ നിരക്കിൽ വിളിക്കാനാകും. ബിഎസ്എൻഎൽ കോളുകൾക്ക് മിനിറ്റിന് 10 പൈസയും, മറ്റു നെറ്റുവർക്കുകളിലേക്ക് മിനിറ്റിന് 20 പൈസയുമാണ് കോൾ നിരക്കുകൾ. 110,200,500,1000 രൂപയുടെ റീചാർജിന് ഫുള്‍ ടോക്ക് ടൈം ലഭിക്കുമെന്നത് ഈ പ്ലാനിന്റെ സവിശേഷതയാണ്. ഒരുവര്‍ഷത്തെ കാലാവധി തീരുമ്പോള്‍ വീണ്ടും 44 രൂപ റീച്ചാര്‍ജിലൂടെ പ്ലാന്‍ തുടരാം. നിലവില്‍ മറ്റു പ്ലാനുകള്‍ ഉപയോഗിക്കുന്ന ഉപഭോക്താക്കള്‍ക്കും പുതിയ പ്ലാനിലേക്ക് മാറാവുന്നതാണ്.
Post Your Comments