കൊല്‍ക്കത്ത: കെട്ടിടത്തിന്റെ മുകളില്‍ നിന്നും വീണ എയര്‍ഹോസ്റ്റസ് മരിച്ചു. കഴിഞ്ഞദിവസമാണ് നാലാം നിലയില്‍ വീണ് ഗുരുതരമായി പരിക്കേറ്റ എയര്‍ഹോസ്റ്റസിനെ ആശുപത്രിയില്‍ പ്രവേശിപ്പിച്ചത്. കൊല്‍ക്കത്തയിലാണ് സംഭവം.
സ്വകാര്യ എയര്‍ലൈന്‍ കമ്പനി ഇന്‍ഡിഗോയുടെ ജീവനക്കാരിയായ ഷില്ലോംഗ് സ്വദേശി ക്ലാര ഖോംഗ്ഷിറ്റാണ് മരിച്ചത്. ചൊവ്വാഴ്ച രാത്രിയോടെയാണ് ക്ലാര കെട്ടിടത്തിന്റെ നാലാം നിലയില്‍ നിന്നും വീണത്. ഫ്‌ളാറ്റിലെ ജനാലയിലൂടെ അബദ്ധത്തില്‍ താഴെ വീണതാകാമെന്നാണ് കരുതുന്നത്. ബുധനാഴ്ച രാവിലെയാണ് ഫ്‌ളാറ്റിന് മുന്നില്‍ ഇവരുടെ ശരീരം കണ്ടെത്തിയതെന്നും പൊലീസ് വ്യക്തമാക്കി.
സംഭവ ദിവസം ക്ലാരയുടെ ഫ്‌ളാറ്റില്‍ ഒരു സുഹൃത്തിന്റെ ജന്മദിനാഘോഷ പാര്‍ട്ടി നടന്നിരുന്നു. ഈ പാര്‍ട്ടിയില്‍ ക്ലാരയുടെ രണ്ട് സുഹൃത്തുക്കളും പങ്കെടുത്തിരുന്നതായി വ്യക്തമായിട്ടുണ്ട്. വീണതോ ആരെങ്കിലും തള്ളിയിട്ടതോ എന്ന സംശയം ഉണ്ട്. പോലീസ് അന്വേഷണം ആരംഭിച്ചു.
Post Your Comments