അലക്സാന്‍ഡ്രിയ•ഈജിപ്തിലെ അലക്സാന്‍ഡ്രിയ നഗരത്തിന് സമീപം ട്രെയിനുകള്‍ കൂട്ടിയിടിച്ച് കുറഞ്ഞത് 29 പേര്‍ മരിച്ചതായി ദേശീയ ടെലിവിഷന്‍ റിപ്പോര്‍ട്ട് ചെയ്തു. അപകടത്തില്‍ 90 പേര്‍ക്ക് പരിക്കേറ്റിട്ടുണ്ട്. തലസ്ഥാനമായ കെയ്റോയില്‍ നിന്ന് വന്ന ട്രെയിന് ഖോര്‍ഷിദ് പ്രദേശത്തെ പോര്‍ട്ട്‌ സെഡില്‍ നിന്ന് വന്ന ട്രെയിനുമായി കൂട്ടിയിടിക്കുകയായിരുന്നു. പരിക്കേറ്റവരില്‍ പലരുടെയും നില അതീവ ഗുരുതരമായതിനാല്‍ മരണസംഖ്യ ഇനിയും ഉയര്‍ന്നേക്കാം.
പരിക്കേറ്റവരെ അടുത്തുള്ള ആശുപത്രികളിലേക്ക് മാറ്റി. അവശിഷ്ടങ്ങള്‍ക്കിടയില്‍ ആരെങ്കിലും കുടുങ്ങിക്കിടപ്പുണ്ടോയെന്ന് രക്ഷാപ്രവര്‍ത്തകര്‍ പരിശോധിച്ചുവരികയാണെന്ന് ആരോഗ്യ മന്ത്രാലയം അണ്ടര്‍സെക്രട്ടറി, മഗ്ദി ഹെഗാസി പറഞ്ഞു.
Post Your Comments