അമേത്തി: ഉത്തര്‍പ്രദേശിലെ അമേത്തിയില്‍ ട്രയിനില്‍ സ്ഫോടകവസ്തു കണ്ടെത്തി. അമൃതസറിലേയ്ക്കു പോകുന്ന ട്രെയിനില്‍ അമേത്തി റെയില്‍വേ സ്റ്റേഷനില്‍ വെച്ചാണ് ബോംബ് കണ്ടെത്തിയത്. കുറഞ്ഞ സ്ഫോടനശേഷിയുള്ള ബോംബാണ് കണ്ടെത്തിയതെന്നും നിർവീര്യമാക്കിയതായും പോലീസ് പറഞ്ഞു.ബോംബിനൊപ്പം ഒരു ഭീഷണിക്കത്തും പോലീസ് കണ്ടെത്തി.
ലഷ്കര്‍ ഇ തൊയ്ബ തീവ്രവാദി അബു ദുജാനയുടെ വധത്തിന് പ്രതികാരം ചെയ്യുമെന്നാണ് കത്തിലെ ഭീഷണി. എഴുപതാം സ്വാതന്ത്ര്യദിനാചരണത്തോട് അനുബന്ധിച്ച്‌ രാജ്യമെങ്ങും കനത്ത സുരക്ഷ ഏര്‍പ്പെടുത്തിയിരിക്കുന്ന സാഹചര്യത്തിലാണ് ബോംബ് കണ്ടെത്തിയത്.ഉടമസ്ഥനില്ലാത്ത പൊതി കണ്ടപ്പോൾ രണ്ട് ബോഗികളില്‍നിന്ന് യാത്രക്കാരെ ഇറക്കി പരിശോധന നടത്തിയപ്പോഴാണ് ബോംബ് കണ്ടെത്തിയത്. .
Post Your Comments