ഇവാൻങ്ക ഇന്ത്യ സന്ദർശിക്കും

വാഷിംഗ്ടണ്‍: യുഎസ് പ്രസിഡന്‍റ് ഡോണൾഡ് ട്രംപിന്‍റെ മകളും ഉപദേശകയുമായ ഇവാൻക ട്രംപ് ഇന്ത്യ സന്ദർശിക്കും. ജൂണിൽ നടന്ന അമേരിക്കൻ സന്ദർശനത്തിൽ പ്രധാനമന്ത്രി നരേന്ദ്ര മോദി ഇവാൻകയെ ഇന്ത്യയിലേക്ക് ക്ഷണിച്ചിരുന്നു. ഈ ക്ഷണം സ്വീകരിച്ചാണ് ഇവാൻങ്ക ഇന്ത്യയിലേക്ക് വരുന്നത്. നവംബറിലാണ് ഇവാൻങ്ക ഇന്ത്യയിലെത്തുക.

ഹൈദരാബാദിൽ നടക്കുന്ന ഗ്ലോബൽ എന്‍റർപ്രണർഷിപ്പ് സമ്മിറ്റിൽ (ജിഇഎസ്) പങ്കെടുക്കാനാണ് ഇവാൻങ്ക വരുന്നത്. ആദ്യമായാണ് ജിഇഎസിന് ഇന്ത്യ വേദിയാകുന്നത്. എട്ടാമത്തെ ജിഇഎസാണ് ഇത്തവണ ഹൈദരാബാദിൽ നടക്കുന്നത്.