ന്യൂയോര്‍ക്ക്: വിമാനത്തിനുള്ളിൽ 16 വയസുള്ള പെൺകുട്ടിയെ പീഡിപ്പിക്കാൻ ശ്രമിച്ച ഡോക്ടർ അറസ്റ്റിൽ. സിയാറ്റിനില്‍ നിന്നും ന്യൂയോര്‍ക്കിലേക്കുള്ള യുനൈറ്റഡ് എയര്‍ലൈന്‍സ് വിമാനത്തില്‍ യാത്ര ചെയ്ത വിജയകുമാര്‍ കൃഷ്ണപ്പ (28)യാണ് പിടിയിലായത്. പെണ്‍കുട്ടിയുടെ മാതാപിതാക്കളുടെ പരാതിയിലാണ് അറസ്റ്റ്. ജൂലൈ 24നാണ് സംഭവം. തൊട്ടടുത്ത സീറ്റില്‍ കിടന്നുറങ്ങുകയായിരുന്നു പെണ്‍കുട്ടിയോട് ഡോക്ടർ അപമര്യാദയായി പെരുമാറുകയും ഇക്കാര്യം പെൺകുട്ടി എയർഹോസ്റ്റസിനെ അറിയിക്കുകയും ചെയ്തു. തുടര്‍ന്ന് ഡോക്ടറെ മറ്റൊരു സീറ്റിലേക്ക് മാറ്റി അധികൃതര്‍ പ്രശ്നത്തിന് താല്‍കാലികമായി പരിഹാരം കാണുകയായിരുന്നു.
പിന്നീട് യാത്രക്ക് ശേഷം വിമാനതാവളത്തില്‍ ഇറങ്ങിയ ഉടന്‍ പെണ്‍കുട്ടി മാതാപിതാക്കളോട് തനിക്കുണ്ടായ ദുരനുഭവം വിവരിക്കുകയും തുടര്‍ന്ന് പെണ്‍കുട്ടിയുടെ മാതാപിതാക്കൾ പോലീസിൽ പരാതി നൽകുകയുമായിരുന്നു. കോടതിയില്‍ ഹാജരാക്കിയ ഡോക്ടറെ ജാമ്യത്തില്‍ വിട്ടു. സംഭവത്തില്‍ ഖേദം പ്രകടിപ്പിക്കുന്നതായും ഇത്തരം സംഭവങ്ങള്‍ ആവര്‍ത്തിക്കാതിരിക്കുന്നതിനുള്ള നടപടികള്‍ സ്വീകരിക്കുമെന്നും വിമാന കമ്പനി അറിയിച്ചു.
Post Your Comments