ഇസ്‌ലാമാബാദ്: 20 വർഷങ്ങൾക്ക് ശേഷം പാകിസ്താനിൽ ആദ്യമായി ഒരു ഹിന്ദു മന്ത്രി. ഹിന്ദുവായ ദർശൻ ലാലിനെയാണ് പുതിയ പ്രധാനമന്ത്രി ശാഹിദ് അബ്ബാസിയയുടെ മന്ത്രിസഭയിൽ ഉൾപ്പെടുത്തിയരിക്കുന്നത്. സിന്ധിലെ ഖോട്ഡി ജില്ലയിലെ മിർപൂർ മതേലൊ പട്ടണത്തിൽ താമസിക്കുന്ന 65കാരനായ ദർശൻ ലാൽ ഡോക്ടറാണ്.
പി.എം.എൽഎൻ സ്ഥാനാർഥിയായി ന്യൂനപക്ഷ സംവരണ സീറ്റിൽ നിന്ന് ദേശീയ അസംബ്ലിയിലേക്ക് രണ്ടു തവണ തെരഞ്ഞെടുക്കപ്പെട്ടിട്ടുണ്ട്. നാല് പാകിസ്താൻ പ്രവിശ്യകൾക്കിടയിലെ പരസ്പര ബന്ധങ്ങളുടെ സംഘാടന ചുമതലയാണ് ദർശൻ ലാലിനുള്ളത് . 47 അംഗ മന്ത്രിസഭയിൽ ഭൂരിഭാഗം അംഗങ്ങളും പഴയമുഖങ്ങൾ തന്നെയാണ്. 28 കേന്ദ്രമന്ത്രിമാരും 18 സഹമന്ത്രിമാരുമാണ് മന്ത്രിസഭയിൽ ഉള്ളത്.
Post Your Comments