ബ​സ് ജീ​പ്പിലും കാറിലും ഇടിച്ച് ആറു പേർക്ക് ദാരുണാന്ത്യം

കോഴിക്കോട് ; ബ​സ് ജീ​പ്പിലും കാറിലും ഇടിച്ച് ആറു പേർക്ക് ദാരുണാന്ത്യം. വ​യ​നാ​ട് ചു​ര​ത്തി​ന്‍റെ അ​ടി​വാ​ര​ത്ത് കൈ​ത​പ്പൊ​യി​ലി​ൽ ഉ​ച്ച​ക്ക് 2.30 യോ​ടെ​യാ​യി​രു​ന്നു അ​പ​ക​ടം. ജീപ്പ് ഡ്രൈവർ വടുവഞ്ചാൽ സ്വദേശി പ്രമോദ്, കൊടുവള്ളി സ്വദേശികളായ ആയിഷ ലുഹ(7), നിഷാൽ മുഹമ്മദ്(8), ഫാത്തിമ ഷഹാന(5), കരുവൻപൊയിൽ സുബൈദ(45) അബ്ദുൾ റഹ്മാൻ എന്നിവരാണ് മരിച്ചത്.  മൃ​ത​ദേ​ഹ​ങ്ങ​ൾ കൈ​ത​പ്പൊ​യി​ലി​ലെ സ്വ​കാ​ര്യ ആ​ശു​പ​ത്രി​യി​ൽ സൂ​ക്ഷി​ച്ചി​രി​ക്കു​ന്നു.

കോ​ഴി​ക്കോ​ട്ടു​നി​ന്ന് സു​ൽ​ത്താ​ൻ ബ​ത്തേ​രി​യി​ലേ​ക്ക് പോ​യ രാ​ജ​ഹം​സം ബ​സ് വ​യ​നാ​ട്ടു​നി​ന്നെ​ത്തി​യ കാ​റി​ൽ ഇ​ടി​ച്ച​ശേ​ഷം നിയന്ത്രണം വിട്ട് ജീ​പ്പിൽ ഇടിക്കുകയായിരുന്നു. കൊ​ടു​വ​ള്ളി ക​രു​വ​ൻ​പൊ​യി​ൽ സ്വ​ദേ​ശി​ക​ളാ​ണ് അ​പ​ക​ട​ത്തി​ൽ​പ്പെ​ട്ട​തെ​ന്നാ​ണ് ല​ഭി​ക്കു​ന്ന പ്രാ​ഥ​മി​ക സൂ​ച​ന. അ​പ​ക​ട​ത്തി​ൽ നി​ര​വ​ധി പേ​ർ​ക്ക് പ​രി​ക്കേ​റ്റി​ട്ടു​ണ്ട്. പ​രി​ക്കേ​റ്റ​വ​രി​ൽ പ​ല​രു​ടെ​യും നി​ല ഗു​രു​ത​ര​മാ​ണ്. പ​രി​ക്കേ​റ്റ​വ​രെ കോ​ഴി​ക്കോ​ട് മെ​ഡി​ക്ക​ൽ കോ​ളേ​ജി​ലേ​ക്ക് മാ​റ്റി.