ലോകകപ്പിലെ പ്രകടനം ഇന്ത്യന്‍ വനിതാ ടീമിനു ലോകശ്രദ്ധ നേടി കൊടുത്തു. ലോകകപ്പ് തുടങ്ങും മുമ്പ് പലര്‍ക്കും ഇന്ത്യന്‍ വനിതാ ടീം അംഗങ്ങളെ അറിയില്ലായിരുന്നു. പക്ഷേ ഇന്ത്യന്‍ നായിക മിതാലി രാജ്, ഹര്‍മന്‍പ്രീത് കൗര്‍,ജൂലന്‍ ഗോസ്വാമി എന്നിവരെ ഇന്ന് രാജ്യം മുഴുവന്‍ അറിയും. പക്ഷേ കളത്തില്‍ മിന്നും പ്രകടനം നടത്തിയ ഇവര്‍ക്ക് ബിസിസിഐ നല്‍കുന്ന വാര്‍ഷിക പ്രതിഫലം 15 ലക്ഷം രൂപയാണ്. 2015 ലെ കരാറിന്റെ അടിസ്ഥാനത്തിലാണ് ഈ തുക നല്‍കുന്നത്.
അതേസമയം പുരുഷ ടീമിനു എ ഗ്രേഡ് താരങ്ങളായ ക്യാപ്റ്റന്‍ വിരാട് കോഹ്ലി, എം.എസ ധോണി, ആര്‍.അശ്വിന്‍ തുടങ്ങിയവര്‍ക്ക് ലഭിക്കുന്നത് രണ്ടു കോടിയും. ഇത് ഈ വര്‍ഷം നിശ്ചയിച്ച കരാറിലെ തുകയാണ്. ഇനി എങ്കിലും പ്രതിഫല കാര്യത്തില്‍ സമത്വം ഉണ്ടാകുമോ എന്ന ചിന്തയിലാണ് ആരാധകര്‍ .
Post Your Comments