കൊച്ചി: നടിയെ ആക്രമിച്ച കേസില്‍ അറസ്റ്റിലായ പള്‍സര്‍ സുനി മറ്റ് നടിമാരെയും ആക്രമിച്ചതായി സൂചന. ആറു നടിമാരെ സുനി ആക്രമിച്ചിട്ടുണ്ടെന്നാണ് ഇപ്പോൾ പുറത്തു വരുന്ന സൂചന. അമ്പതിലധികം ചിത്രങ്ങളില്‍ അഭിനയിച്ച പ്രമുഖനടിയും ഇതില്‍ ഉണ്ടെന്നാണ് വിവരം. ആദ്യം സുനിക്കെതിരേ മൊഴിനല്‍കാന്‍ വിസമ്മതിച്ച നടി നിലപാട് മാറ്റിയതായാണ് സൂചന. ഇതിലൂടെ നിര്‍ണായകമായ വിവരങ്ങള്‍ ലഭിക്കുമെന്ന പ്രതീക്ഷയിലാണ് പോലീസ്.
പള്‍സര്‍ സുനി 2012-ലാണ് ഇവരെ ആക്രമിക്കാന്‍ ശ്രമിച്ചതെന്നാണ് പോലീസ് കണ്ടെത്തല്‍. അന്യഭാഷാചിത്രത്തിന്റെ ചിത്രീകരണത്തിന് പോകുന്ന വഴിയാണ് ആക്രമിക്കപ്പെട്ടത്. സംഭവത്തിനുശേഷം ഇവര്‍ സിനിമാരംഗത്തുനിന്ന് കുറെക്കാലം വിട്ടുനിന്നിരുന്നു. ആക്രമണം ക്വട്ടേഷനല്ലെന്നാണ് സുനി പോലീസിന് മൊഴി നല്‍കിയിരിക്കുന്നതെന്നാണ് സൂചന. ബ്ലാക്ക് മെയിലിങ് ലക്ഷ്യമിട്ടായിരുന്നു ആക്രമണമെന്ന സുനിയുടെ മൊഴി പോലീസ് പൂര്‍ണമായി വിശ്വസിച്ചിട്ടുമില്ല.
ആറു നടിമാരില്‍ മൂന്നുപേരില്‍നിന്ന് മൊഴിയെടുക്കാന്‍ പോലീസ് ശ്രമം തുടങ്ങി. പക്ഷെ രണ്ടുപേര്‍ പരാതി കൊടുക്കില്ലെന്ന ഉറച്ച നിലപാടിലാണെന്നാണ് സൂചന. സുനിയുടെ കസ്റ്റഡി കാലാവധി തീരുംമുമ്പേ പരമാവധി ഇടങ്ങളില്‍ എത്തിച്ച് തെളിവെടുപ്പ് നടത്താനുള്ള ശ്രമത്തിലാണ് പോലീസ്.
Post Your Comments