ദുബായ്: ഐ.സി.സിയുടെ ഏറ്റവും പുതിയ ടെസ്റ്റ് റാങ്കിംഗില്‍ ബൗളര്‍മാരില്‍ ഒരു സ്ഥാനം നഷ്ടപ്പെടുത്തി അശ്വിന് മൂന്നാം സ്ഥാനത്ത്. അതേസമയം രവീന്ദ്ര ജഡേജ ഒന്നാം സ്ഥാനം നിലനിര്‍ത്തി. ശ്രീലങ്കന്‍ സ്പിന്നര്‍ രംഗണ ഹെരാത്താണ് രണ്ടാം സ്ഥാനത്ത്. സിംബാബ്‌വെയക്കതിരായ ടെസ്റ്റില്‍ നടത്തിയ മികച്ച പ്രകടനമാണ് ഹെര്‍ത്തിന് മൂന്നാം സ്ഥാനത്ത് എത്തിച്ചത്. രണ്ട് ഇന്നിംഗ്‌സുകളിലുമായ് 11 വിക്കറ്റാണ് ഹെരാത്ത് നേടിയത്.
ബാറ്റ്‌സ്മാൻമാരുടെ റാങ്കിംഗില്‍ ആദ്യ ആറു സ്ഥാനങ്ങളില്‍ മാറ്റമില്ല. സ്റ്റീവ് സ്മിത്ത്, ജോ റൂട്ട് ,കെയിന്‍ വില്യംസണ്‍, ചേതേശ്വര്‍ പൂജാര, വിരാട് കോഹ്ലി, ക്വിന്റന്‍ ഡി കോക്ക് എന്നിങ്ങനെയാണ് സ്ഥാനം. ഓള്‍റൗണ്ടര്‍മാരുടെ പട്ടികയില്‍ ഷക്കീബ് അല്‍ഹസന്‍ ഒന്നാമതും ജഡേജ, രവിചന്ദ്ര അശ്വിന്, മോയിന്‍ അലി എന്നിവര്‍ രണ്ടും മൂന്നും സ്ഥാനങ്ങളിലുമാണ്.
Post Your Comments