വി​ദ്യാ​ർ​ഥി​ക​ളെ ആ​ശു​പ​ത്രി​യി​ൽ ഡ്യൂ​ട്ടി​ക്ക് നി​യോ​ഗി​ച്ച​തി​നെക്കുറിച്ച് ആ​രോ​ഗ്യ​മ​ന്ത്രി പറഞ്ഞതിങ്ങനെ

ക​ണ്ണൂ​ർ: ക​ണ്ണൂ​രി​ലെ ന​ഴ്സു​മാ​രു​ടെ സ​മ​രം നേ​രി​ടാ​ൻ ജി​ല്ലാ ഭ​ര​ണ​കൂ​ടം സ്വീ​ക​രി​ച്ച ന​ട​പ​ടി​കൾക്ക് പിന്തുണയുമായി ആ​രോ​ഗ്യ​മ​ന്ത്രി കെ.​കെ.​ശൈ​ല​ജ രംഗത്ത്. ക​ള​ക്ടറുടെ നടപടി ശരിയായിരുന്നു. ഈ നടപടിയിൽ നി​യ​മ​പ​ര​മാ​യി തെ​റ്റു​ണ്ടെ​ന്നു ക​രു​തു​ന്നി​ല്ലെ​ന്നും ആ​രോ​ഗ്യ​മ​ന്ത്രി പ​റ​ഞ്ഞു. ക​ള​ക്ട​ർ​മാരുടെ നടപടി രോഗികളുടെ ജീവൻ ര​ക്ഷി​ക്കാ​നു​ള്ള ശ്രമമായിരുന്നു എന്നും കെ.കെ ശെെലജ അവകാശപ്പെട്ടു.

ന​ഴ്സു​മാ​രു​ടെ സമരം ശക്തമായതിനെ തുടർന്നാണ് ക​ണ്ണൂ​ർ ജി​ല്ല​യി​ലെ ന​ഴ്സിം​ഗ് കോ​ള​ജു​ക​ളി​ലെ ഒ​ന്നാം​വ​ർ​ഷ​ക്കാ​ർ ഒ​ഴി​കെ​യു​ള്ള വി​ദ്യാ​ർ​ഥി​ക​ളെ ആ​ശു​പ​ത്രി​ക​ളി​ലെ​ത്തി​ക്കാ​ൻ ജി​ല്ലാ ക​ള​ക്ട​ർ നി​ർ​ദേ​ശം നൽകിയത്. സമരം ന​ട​ക്കു​ന്ന ആ​ശു​പ​ത്രി​ക​ളിൽ ഇവരെ എത്തിച്ച് സമരം നേരിടാനുള്ള ശ്രമമാണ് ക​ള​ക്ട​ർ നടത്തിയത്. ജോ​ലി​ക്കെ​ത്തു​ന്ന ഒ​രു വി​ദ്യാ​ർ​ഥി​ക്ക് ദി​വ​സം 150 രൂ​പ വീ​തം ന​ൽ​ക​ണ​മെ​ന്നും ക​ള​ക്ട​റുടെ ഉത്തരവിൽ വ്യക്തമാക്കിയിരുന്നു.
യാ​ത്രാ ചെ​ല​വി​നും ഭ​ക്ഷ​ണ​ത്തി​നു​മാ​യി വി​ദ്യാ​ർ​ഥികൾക്ക് ഈ തുക നൽകനായിരുന്നു നി​ർദേശം. പക്ഷേ ഈ ഉ​ത്ത​ര​വി​ൽ പ്ര​തി​ഷേ​ധി​ച്ച് പ​രി​യാ​രം മെ​ഡി​ക്ക​ൽ കോ​ള​ജി​ലെ ന​ഴ്സിം​ഗ് വി​ദ്യാ​ർ​ഥി​ക​ൾ ക്ലാ​സ് ബ​ഹി​ഷ്ക​രി​ച്ചു. ക​ള​ക്ട​റു​ടെ ഉ​ത്ത​ര​വ് പ്ര​കാ​രം സ്വ​കാ​ര്യ ആ​ശു​പ​ത്രി​ക​ളി​ൽ ജോ​ലി​ക്ക് ക​യ​റാ​ൻ ക​ഴി​യി​ല്ലെ​ന്നാ​ണ് വി​ദ്യാ​ർ​ഥി​ക​ളു​ടെ നി​ല​പാ​ട്. ഇതോടെ ന​ഴ്സു​മാ​രു​ടെ സ​മ​രം കൂ​ടു​ത​ൽ ശക്തമായി