ആലുവ: നടന്‍ എന്ന വേഷമൊക്കെ അഴിച്ചുവെച്ചായിരുന്നു ദിലീപ് ജയിലില്‍ തടവുകാര്‍ക്കൊപ്പം കഴിഞ്ഞു. സെല്ലിലെ ആദ്യദിനം ദിലീപിന് ഉറക്കമില്ലാത്ത രാത്രിയാണ് സമ്മാനിച്ചത്. മറ്റ് തടവുകാര്‍ ഉറങ്ങിയിട്ടും ദിലീപിന് ഉറങ്ങാനായില്ല.
പകല്‍ മുഴുവന്‍ ഉറങ്ങിയും പത്രം വായിച്ചും കഴിച്ചുകൂട്ടിയ ദിലീപ് താന്‍ നിരപരാധിയാണെന്ന് സഹതടവുകാരോട് പറഞ്ഞ് പലപ്പോഴും കരയുകയും ചെയ്തു. തിങ്കളാഴ്ച വൈകീട്ടാണ് നടിയെ ആക്രമിച്ച കേസില്‍ ക്രിമിനല്‍ ഗൂഢാലോചന നടത്തിയതിന് ദിലീപിനെ പോലീസ് അറസ്റ്റ് ചെയ്തത്. ഒരു ദിവസമാണ് ദിലീപ് ജയിലില്‍ കഴിഞ്ഞത്.
ഇന്നു രാവിലെ അങ്കമാലി കോടതിയില്‍ ഹാജരാക്കിയ താരത്തെ രണ്ടു ദിവസത്തേക്കു പോലീസ് കസ്റ്റഡിയില്‍ വിട്ടിരിക്കുകയാണ്. ഇപ്പോള്‍ ആലുവ പോലീസ് ക്ലബ്ബിലാണ് ദിലീപുള്ളത്. ജയിലില്‍ പ്രഭാതഭക്ഷണമായി ഉപ്പുമാവും പഴവുമാണ് താരം കഴിച്ചത്. ഉച്ചയ്ക്കു സാമ്പാറും തൈരും സഹിതം ഊണും കഴിച്ചു. രാത്രി ചോറും ചേമ്പ് പുഴുക്കുമാണ് ദിലീപ് കഴിച്ചത്.
ഇഷ്ടമില്ലാതെയാണത്രേ ദിലീപ് ഭക്ഷണം കഴിച്ചത്. ജയിലില്‍ വച്ചു പത്രങ്ങള്‍ വായിച്ച ദിലീപ് തന്നെപ്പറ്റിയുള്ള വാര്‍ത്തകള്‍ വായിച്ച് കരയുകയും ചെയ്തു. തറയില്‍ വിരിക്കാന്‍ ഒരു പുതപ്പും പായയുമാണ് ദിലീപിനു നല്‍കിയത്.
Post Your Comments