വമ്പന്‍ ഓഫറുമായി ജിയോ വീണ്ടും

മുംബൈ: 509 രൂപക്ക് 224 ജിബി ഡാറ്റ എന്ന പുതിയ ഓഫറുമായി ജിയോ വീണ്ടും. ജിയോ ഫൈ വാങ്ങുന്നവര്‍ക്കാണ് പുതിയ ഓഫര്‍ ലഭ്യമാകുക. ജിയോ സമ്മര്‍ സര്‍പ്രൈസ്, ജിയോ ധന്‍ ധന ധന്‍, എന്നീ ഓഫറുകളുടെ കാലാവധി തീരാനിരിക്കെയാണ് പുതിയ ഓഫറുമായി ജിയോ രംഗത്തെത്തിയിരിക്കുന്നത്.

ഓഫര്‍ ലഭ്യമാകണമെങ്കില്‍ 99 രൂപയുടെ ജിയോ പ്രൈം സബ്സ്ക്രിപ്ഷന്‍ എടുക്കണം. തുടര്‍ന്ന് ഓഫര്‍ പ്രകാരമുള്ള റീചാർജ് പാക്ക് തെരഞ്ഞെടുക്കാം. 149 രൂപയുടെ ഓഫറില്‍ മാസം 2 ജിബി എന്ന നിരക്കില്‍ ഒരു വര്‍ഷത്തേക്ക് 24 ജിബി ഡാറ്റ ലഭിക്കും. 309 രൂപയുടെ ഓഫറില്‍ നാലു മാസത്തേക്ക് ദിവസം രണ്ടു ജിബി ഡാറ്റ ലഭിക്കും. 509 രൂപയുടെ പാക്കില്‍ ദിവസം രണ്ടു ജിബി എന്ന നിരക്കില്‍ നാലു മാസത്തേക്ക് 224 ജിബി ഡാറ്റയാണ് ലഭിക്കുക.