ഇന്നോവ ക്രിസ്റ്റയ്ക്ക് ഒരു കിടിലൻ എതിരാളിയുമായി മഹീന്ദ്ര

ഇന്ത്യന്‍ റോഡുകളിലെ ടെസ്റ്റ് റൈഡുകൾക്ക് ശേഷം അടുത്ത വര്‍ഷമാദ്യം ഔദ്യോഗികമായി വാഹനം മഹീന്ദ്ര പുറത്തിറക്കാനാണ് സാധ്യത. മഹീന്ദ്രയുടെ നോര്‍ത്ത് അമേരിക്കന്‍ ടെക്‌നിക്കല്‍ സെന്ററിറിലും ചെന്നൈയിലെ മഹീന്ദ്ര റിസര്‍ച് സെന്ററും സംയുക്തമായി നിര്‍മാണം പൂര്‍ത്തീകരിച്ച ഈ വാഹനം മികച്ച ഫീച്ചേഴ്സ് സാഹിതമായിരിക്കും നിരത്തിലെത്തുക.

ഇന്നോവ ക്രിസ്റ്റയെ നേരിടാനുള്ള ഗാഭീര്യത്തോടെ എത്തുന്ന യൂ 321ന് ബേസ് മോഡലില്‍ 1.99 ലിറ്റര്‍ എം ഹ്വാക് ( MHawk) എഞ്ചിനും ടോപ് സ്‌പെക്കില്‍ 2.2 / 2.5 ലിറ്റര്‍ ഹ്വാക്(MHawk) എഞ്ചിനും ഉള്‍പ്പെടുത്താനാണ് സാധ്യത. വാഹനത്തിന്റെ കൂടുതൽ വിവരങ്ങൾ ലഭ്യമല്ലെങ്കിലും ക്രിസ്റ്റയ്‌ക്കൊപ്പം ടാറ്റ ഹെക്‌സയ്ക്കും വെല്ലുവിളി ഉയര്‍ത്താന്‍ മഹീന്ദ്രയുടെ മള്‍ട്ടി പര്‍പ്പസ് വാഹനത്തിന് സാധിക്കും. അതോടൊപ്പം തന്നെ ഇവൻ വിപണിയിലെത്തിയാൽ 16-20 ലക്ഷത്തിനുള്ളിൽ വില പ്രതീക്ഷിക്കാം.