അബുദാബി : അബുദാബിയില്‍ വഴിയരികില്‍ നായ്ക്കളെ വിഷം ഉള്ളില്‍ ചെന്ന്‍ ചത്തൊടുങ്ങിയ നിലയില്‍ കണ്ടെത്തി. എന്നാല്‍ ഇവ സ്വാഭാവികമായ രീതിയില്‍ മരണപെട്ടതല്ലെന്നും സംഭവത്തില്‍ ദുരൂഹത ഉണ്ടെന്നും മൃഗക്ഷേമ പ്രവർത്തകര്‍ ആരോപിക്കുന്നു.
എന്നാല്‍ മുസഫ വ്യവസായ മേഖലയിലെ ഒരു ഭക്ഷണശാലയ്ക്ക് സമീപമാണ് നായ്ക്കള്‍ ചത്തൊടുങ്ങിയതായി കണ്ടെത്തിയത് എന്ന് അബുദാബിയിലെ ആനിമൽ ആക്ഷൻ വോളണ്ടിയർ സരിത ഹാർഡിംഗ് പറഞ്ഞു. പല നായ്ക്കളെയും മൂക്കിലൂടെ രക്തം വാര്‍ന്ന നിലയിലാണ് കണ്ടെത്തിയത്.
അടുത്തിടെ കണ്ട ഏറ്റവും മോശപ്പെട്ട സംഭവങ്ങളിലൊന്നാണ് ഇത് എന്നാണ് പ്രവര്‍ത്തകര്‍ പറയുന്നത്. വ്യവസായ മേഖലയിലെ പലയിടത്തും ഇത്തരത്തില്‍ നായ്ക്കളെ കണ്ടെത്തിയതിനാല്‍ ഇവയുടെ എണ്ണത്തില്‍ ഇനിയും വര്‍ദ്ധനവ് ഉണ്ടാകാനാണ് സാധ്യത എന്ന് പ്രവര്‍ത്തകര്‍ പറഞ്ഞു.
Post Your Comments