ഹൈദരാബാദ്: സെല്‍ഫി മരണം കൂടിവരുന്ന സ്ഥിതിയാണ് ഇപ്പോഴും ഉള്ളത്. പല അപകടങ്ങളും ശ്രദ്ധയില്‍പ്പെട്ടിട്ടും യുവജനത ഇനിയും പഠിച്ചിട്ടില്ല, ബോധപൂര്‍വ്വം മരണത്തെ ക്ഷണിച്ചുവരുത്തുകയാണ്. റെയില്‍വെ ട്രാക്കില്‍ നിന്നും സെല്‍ഫി പകര്‍ത്താന്‍ ശ്രമിച്ച യുവാവ് ട്രെയിന്‍ ഇടിച്ച് മരിച്ചു.
സുഹൃത്തുമായി ചേര്‍ന്ന് സെല്‍ഫി എടുക്കുന്നതിനിടെയാണ് സമ്പത്ത് കുമാര്‍ എന്ന യുവാവ് ട്രെയിന്‍ ഇടിച്ച് കൊല്ലപ്പെട്ടത്. അപകടത്തില്‍ സമ്പത്തിന്റെ കൂടെയുണ്ടായിരുന്ന സുഹൃത്ത് ശ്രാവണിന്റെ കൈ അറ്റു പോയി. സെക്കന്തരാബാദിലെ ആല്‍വാല്‍ റെയില്‍വേ സ്റ്റേഷന് സമീത്തായിരുന്നു സംഭവം. ഡമ്പര്‍ ഓപ്പറേറ്ററായി ജോലി ചെയ്യുകയായിരുന്നു സമ്പത്ത്.
സുഹൃത്തുക്കളെ സ്വീകരിക്കാനായാണ് ആല്‍വാലിലെത്തിയത്. ട്രെയിന്‍ സ്റ്റേഷനില്‍ എത്തിയിട്ടില്ലാത്തതിനാല്‍ ഇരുവരും ചേര്‍ന്ന് ട്രാക്കില്‍ നിന്നും ഓടുന്ന ട്രെയിന്‍ പശ്ചാത്തലമാക്കി സെല്‍ഫി എടുക്കുകയായിരുന്നു. അപ്പോഴാണ് അപകടം സംഭവിച്ചത്.
Post Your Comments