കളമശേരി : മൊബൈൽ ഫോണിൽ ഗെയിം കളിക്കാന്‍ അമ്മ അനുവദിക്കാത്തതിന് വിദ്യാര്‍ത്ഥിനി ആത്മഹത്യ ചെയ്തു. ഏലൂർ വടക്കുംഭാഗം കൂട്ടുങ്കൽ സുധീറിന്‍റെ ഏകമകൾ അഫ്ന (16) ആണു മരിച്ചത്. തൂങ്ങിനിൽക്കുന്ന നിലയിൽ കണ്ട മകളെ അമ്മ സജിതയും നാട്ടുകാരും ചേർന്ന് ആദ്യം മഞ്ഞുമ്മലിലെ സ്വകാര്യ ആശുപത്രിയിലും അവിടെനിന്ന് ഇടപ്പള്ളിയിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല.
ഏറെനേരം മൊബൈലിൽ ഗെയിം കളിച്ചതിനെത്തുടർന്ന് അമ്മ ഫോൺ പിടിച്ചുവാങ്ങിയിരുന്നു. ഇതേത്തുടർന്ന് അമ്മയുമായി വഴക്കിട്ട് അഫ്ന മുറിയിൽ തൂങ്ങിമരിക്കുകയായിരുന്നുവെന്ന് ഏലൂർ പോലീസ് പറഞ്ഞു. ഇത്തവണ എസ്എസ്എൽസി പരീക്ഷ പാസായ അഫ്ന പ്ലസ് വൺ പ്രവേശനത്തിനു കാത്തിരിക്കുകയായിരുന്നു.
Post Your Comments