‘ടിക്കറ്റ്’ ഉണ്ടായിട്ടും ‘ബാഹുബലി’ കാണാന്‍ അനുവദിച്ചില്ല- മനോവിഷമത്തില്‍ യുവാവ് ചെയ്തത്

അഞ്ചല്‍ : ടിക്കറ്റുമായി തിയറ്ററില്‍ എത്തിയിട്ടും ബാഹുബലി കാണാൻ കഴിയാത്ത യുവാവിന്റെ പരാക്രമം ഇങ്ങനെ.’ബാഹുബലി ഡാ…’ എന്ന് ആക്രോശിച്ചെത്തിയ യുവാവ് തിയറ്ററിന് മുന്നിലെ പത്തോളം വാഹനങ്ങളാണ് തകർത്തത്.തിങ്കളാഴ്ച രാത്രി 10.30 തിന് അഞ്ചലിലെ അര്‍ച്ചന തിയേറ്ററിന് മുന്നിലായിരുന്നു സംഭവം.പത്തോളം വാഹനങ്ങളും തിയേറ്ററിന്‍റെ ഗേറ്റും റസ്റ്റോന്‍റിന്‍റെ മെയിന്‍ ഓഫീസും യുവാവ് അടിച്ചു തകർത്തു.

ഫസ്റ്റ് ഷോയുടെ ടിക്കറ്റുമായി മാറ്റിനിയ്ക്കെത്തിയ യുവാവിനെ സെക്യൂരിറ്റിക്കാർ തടയുകയായിരുന്നു.ഇതാണ് പ്രകോപനത്തിന് കാരണമെന്നാണ് ദൃക് സാക്ഷികൾ പറയുന്നത്. അർച്ചന തിയേറ്ററിന് മുന്നില്‍ നിന്നും മുക്കട ജങ്ഷന്‍ വരെയുള്ള 100 മീറ്റര്‍ ദൂരത്തില്‍ പാര്‍ക്ക് ചെയ്തിരുന്ന കാറുകള്‍ ഉള്‍പ്പെടെ പല വാഹനങ്ങളും ഇയാൾ അടിച്ചു തകർത്തു.