ട്രിപ്പോളി : ലിബിയന്‍ തീരത്ത് രണ്ട് അഭയാര്‍ഥി ബോട്ടുകള്‍ മറിഞ്ഞ് 11 പേര്‍ മരിച്ചതായി യു.എന്‍ ഏജന്‍സികള്‍. അപകടത്തില്‍ സ്ത്രീകളും കുട്ടികളുമടക്കം 200 അഭയാര്‍ഥികളെ കാണാതായിട്ടുണ്ട്. കാറ്റ് നിറച്ചുള്ള ബോട്ടുകളിലാണ് അഭയാർത്ഥികൾ യാത്ര തിരിച്ചത്. എന്നാൽ നിർഭാഗ്യവശാൽ പുറപ്പെട്ട് മണിക്കൂറുകള്‍ക്കുശേഷം ബോട്ടിന്‍റെ കാറ്റൊഴിഞ്ഞ് പോവുകയായിരുന്നു.
കാറ്റു നിറക്കാവുന്ന ബോട്ടുകള്‍ ഉള്‍പ്പെട്ട ഇത്തരത്തിലുള്ള ആദ്യത്തെ അപകടമാണിത്. നാല്പതോളം പേരെ ഇറ്റാലിയൻ നാവിക സേന രക്ഷപെടുത്തിയതായി അറിയിച്ചു.അപകടത്തില്‍നിന്ന് രക്ഷപ്പെട്ടവരാണ് ബോട്ടിലുണ്ടായിരുന്നവരെ കുറിച്ച്‌ വിവരം നല്‍കിയത്. ഡാനിഷ് ചരക്കുകപ്പലാണ് 50 പേരെ രക്ഷിച്ചത്.252 പേരുമായി യാത്ര പുറപ്പെട്ട ബോട്ടാണ് അപകടത്തില്‍ പെട്ടത്.
Post Your Comments