നിരന്തരം ഇന്ത്യൻ പട്ടാളത്തെ അവഹേളിക്കുകയും, മാവോയിസ്റ്റ് അനുകൂല പോസ്റ്റുകൾ സോഷ്യൽ മീഡിയ വഴി പ്രചരിപ്പിക്കുകയും ചെയ്യുന്ന യുവാവിനെതിരെ എസ്പിയ്ക്കു യുവമോർച്ച സംസ്ഥാന സെക്രട്ടറി അജി തോമസ് പരാതി നൽകി . മലപ്പുറം, വഴിക്കടവ്, മരുത കാഞ്ഞിരത്തിങ്കൽ പി ടി ജാഫറിനെതിരെയാണ് പരാതി. കഴിഞ്ഞ ഛത്തീസ്ഗഡ് മാവോയിസ്റ് അക്രമത്തിൽ കൊല്ലപ്പെട്ട പട്ടാളക്കാരോട് അനാദരവും, നിരോധിത മാവോയി‌സ്റ്റുകളോടു ആദരവും വിളിച്ചോതുന്ന വാക്കുകൾ ഈ വ്യക്തിക്ക് തീവ്രവാദ സംഘടനകളുമായി ബന്ധമുള്ളതായി സംശയിക്കുന്നു എന്നും, ഈ പ്രവർത്തിയെ രാജ്യദ്രോഹ കുറ്റമായി കണക്കാക്കി നടപടി സ്വീകരിക്കണമെന്നും പരാതിയിൽ പറയുന്നു.
വഴിക്കടവ് പറയൻ തൊടിക ഹംസ എന്നയാളുടെ മകനാണ് ജാഫർ. ഇദ്ദേഹത്തിന്റെ വിശദ വിവരങ്ങൾ NIA യ്ക്കു കൈമാറിയതായും ശ്രീ അജി തോമസ് വ്യക്തമാക്കി.
വികെ ബൈജു.
Post Your Comments