പാലക്കാട്: ഈ വേനല്‍ക്കാലത്ത് വെള്ളം കിട്ടാതെ പരക്കം പായുകയാണ് ഇഴജന്തുക്കള്‍. ചൂടു സഹിക്കാന്‍ വയ്യാതെ വെള്ളം തേടി വന്ന മൂര്‍ഖന്‍ പാമ്പാണ് ഇവിടെ കൗതുക കാഴ്ചയായി മാറിയത്. പാലക്കാടാണ് സംഭവം നടന്നത്.
സംഭവത്തിന്റെ വീഡിയോ സോഷ്യല്‍മീഡിയയില്‍ എത്തിയതോടെ വൈറലായി. ചൂട് കാരണം വീട്ടില്‍ എത്തിയ മൂര്‍ഖന്‍ പാമ്പിന് ആവശ്യം എന്താന്ന് മനസ്സിലായില്ലേ? എന്ന തലക്കെട്ടോടെയാണ് വീഡിയോ ഫെയ്സ്ബുക്കില്‍ പോസ്റ്റു ചെയ്തിരിക്കുന്നത്. വീഡിയോയില്‍ പാമ്പിന് വെള്ളം നല്‍കുന്നയാള്‍ അതിന്റെ പത്തിയില്‍ പിടിക്കുന്നത് കാണാം. വെള്ളം കുടിച്ച ശേഷം മൂര്‍ഖന്‍, പത്തി ഉയര്‍ത്തി കൊത്താന്‍ ആയുന്നതും കാണാം.
വീട്ടുകാരുള്‍പ്പെടെ സമീപവാസികളും പാമ്പിന് വെള്ളം കൊടുക്കുന്നത് കാണാന്‍ സ്ഥലത്തെത്തിയിട്ടുണ്ട്. ഇവരില്‍ ചിലര്‍ പകര്‍ത്തിയ വീഡിയോയാണ് സമൂഹമാധ്യമങ്ങളില്‍ വൈറലായിരിക്കുന്നത്.
Post Your Comments