ന്യൂ ഡൽഹി : അമിത മദ്യപാനം എതിർത്ത ഭാര്യയെ വെടിവെച്ച് കൊല്ലാൻ ശ്രമം മുൻ ജവാൻ അറസ്റ്റിൽ. തെക്കുപടിഞ്ഞാറൻ ഡൽഹിയിലെ ചാവ്ലയിൽ സുനിത എന്ന യുവതിക്കു നേർക്കാണ് കൊലപാതക ശ്രമമുണ്ടായത്. ഇവരുടെ നേര്‍ക്ക് വെടിയുതിർത്ത ഭർത്താവ് മുൻ ബിഎസ്എഫ് ജവാൻ നിത്യാനന്ദിനെയാണ് പോലീസ് അറസ്റ്റ് ചെയ്‌തത്. മദ്യപിക്കുന്നതിനിടെ എതിർപ്പ് പ്രകടിപ്പിച്ച സുനിതയെ നിത്യാനന്ദ് വെടിവയ്ക്കുകയായിരുന്നു. വയറ്റിൽ വെടിയേറ്റ് ഗുരുതരാവസ്ഥയിലായ സുനിതയെ എയിംസ് ആശുപത്രിയിൽ പ്രവേശിപ്പിച്ചു.
അമിത മദ്യപാനശീലത്തെ തുടർന്ന് പത്തു വർഷം മുന്‍പ് നിത്യാനന്ദിനെ സൈന്യത്തിൽനിന്നു പിരിച്ചുവിട്ടിരുന്നു. അമിതമായി മദ്യപിച്ചശേഷം നിത്യാനന്ദ് ഭാര്യയെ മർദിക്കാറുണ്ടായിരുന്നെന്ന് മക്കൾ പോലീസിന് മൊഴി നൽകി. എന്നാൽ സുനിതയുടെ മൊഴി രേഖപ്പെടുത്താൻ പോലീസിന് സാധിച്ചിട്ടില്ല.
Post Your Comments