മലയാളി നഴ്‌സ് ദുബായിൽ ആത്മഹത്യ ചെയ്തതറിഞ്ഞ് ഭർത്താവും ആത്മഹത്യയ്ക്കു ശ്രമിച്ചു

ദുബായ്: ദുബായിൽ ഭാര്യ ആത്മഹത്യ ചെയ്ത വിവരമറിഞ്ഞ ഭർത്താവും ആത്മഹത്യയ്ക്ക് ശ്രമിച്ചു. തിരുവനന്തപുരം സ്വദേശിയായ നഴ്‌സാണ് ആത്മഹത്യ ചെയ്തത്. ഭർത്താവുമൊത്തുള്ള വഴക്കിനെ തുടർന്ന് യുവതി മുറിയിൽ കയറി വാതിൽ ലോക്ക് ചെയ്യുകയായിരുന്നു പിന്നീട് ഭർത്താവ് പുറത്തേക്ക് പോകുകയും ചെയ്‌തു. തിരിച്ചെത്തിയിട്ടും യുവതി വാതിൽ തുറക്കാതിരിക്കുന്നത് കണ്ട് സംശയം തോന്നിയ യുവാവ് വാതിൽ തള്ളിത്തുറന്ന് അകത്ത് കയറിയപ്പോഴാണ് ഫാനിൽ തൂങ്ങി നിൽക്കുന്ന നിലയിൽ ഇവരെ കണ്ടെത്തിയത്. തുടർന്ന് കൈയ്യിലെ ഞരമ്പ് മുറിച്ച് യുവാവും ആത്മഹത്യക്ക് ശ്രമിക്കുകയായിരുന്നു.

മൂന്ന് മാസങ്ങൾക്ക് മുൻപാണ്‌ ഇവരുടെ വിവാഹം കഴിഞ്ഞത്. ഒരു മാസം മുൻപാണ് ഇവർ സംഭവം നടന്ന ഷെയ്ഖ് റാഷിദ് ബിൽഡിങ്ങിലേക്ക് താമസം മാറ്റിയത്. യുവാവ് ഇപ്പോഴും ആശുപത്രിയിൽ ചികിത്സയിലാണ്.