ആദ്യ ഐപിഎല്‍ സെഞ്ച്വറി നേടിയ മലയാളി താരം സഞ്ജു വി സാംസണിന്റെ മികവിൽ പുണെയ്ക്കെതിരെ ഡൽഹി ഡെയർ ഡെവിൾസിന് മികച്ച സ്കോർ. 62 പന്തില്‍ സെഞ്ച്വറി നേടിയ സഞ്ജുവിന്റെ ഇന്നിംഗ്‌സില്‍ അഞ്ച് സിക്‌സറുകളും എട്ട് ബൗണ്ടറികളും ഉള്‍പ്പെടുന്നു. സെഞ്ചുറി പൂര്‍ത്തിയാക്കിയതിന് പിന്നാലെ സഞ്ജുവിനെ ആദം സാംബ ക്ലീന്‍ ബൗള്‍ഡാക്കുകയായിരുന്നു. ഐ.പി.എല്‍ കരിയറിലെ സഞ്ജുവിന്റെ ആദ്യ സെഞ്ചുറിയാണിത്.
സഞ്ജുവിന്റെ പിന്നാലെയെത്തിയ ക്രിസ് മോറിസിന്റെ പ്രകടനവും ഡെയര്‍ഡെവിള്‍സ് ഇന്നിംഗ്‌സിൽ നിര്‍ണായകമായി. ഒമ്പത് പന്തുകളില്‍ നിന്നായി നാല് ബൗണ്ടറികളും മൂന്ന് സിക്‌സറുകളും പറത്തിയ മോറിസ് 36 റണ്‍സെടുത്ത് പുറത്താവാതെ നിന്നു. ഋഷഭ് പന്ത് 31 റണ്‍സും സാം ബില്ലിങ്‌സ് 24 റണ്‍സും നേടി.
Post Your Comments