സഹായിച്ചവർക്കൊക്കെ നന്ദി പ്രകാശിപ്പിച്ച് വിജയശ്രീലാളിതരായി മഹിജയും ശ്രീജിത്തും

തിരുവനന്തപുരം: ജിഷ്ണുവിന്റെ മരണത്തിന് കാരണക്കാരായ പ്രതികളെ എല്ലാവരേയും പിടികൂടുമെന്ന ഉറപ്പ് രേഖാമൂലം സര്‍ക്കാര്‍ നൽകിയതിനെ തുടർന്ന് ജിഷ്ണുവിന്റെ കുടുംബം നിരാഹാരം അവസാനിപ്പിച്ചു. ആവശ്യങ്ങള്‍ അംഗീകരിച്ചു കിട്ടാന്‍ സഹായിച്ച കേരളത്തിനും മാധ്യമങ്ങള്‍ക്കും ജിഷ്ണുവിന്റെ അമ്മാവൻ ശ്രീജിത്ത് നന്ദി പറഞ്ഞു. നീതിക്ക് വേണ്ടിയുള്ള പോരാട്ടമായിരുന്നെന്നും മറിച്ചൊരു തെറ്റിദ്ധാരണയും വേണ്ടെന്നും അദ്ദേഹം വ്യക്തമാക്കി. തങ്ങള്‍ക്ക് തോക്ക് സ്വാമിയുമായും കെ.എം ഷാജഹാനുമായും ബന്ധമില്ലെന്നും ശ്രീജിത്ത് കൂട്ടിച്ചേർത്തു.