ആപ്പിളിന്റെ വില കുറഞ്ഞ ഐപാഡ് മോഡല്‍ ഇന്ത്യന്‍ വിപണിയിലേക്ക് എത്തുന്നു

മുംബൈ : ആപ്പിളിന്റെ വില കുറഞ്ഞ ഐപാഡ് മോഡല്‍ ഇന്ത്യന്‍ വിപണിയിലേക്ക് എത്തുന്നു. 32 ജി.ബി വൈ-ഫൈ മോഡലിന് 28,990 രൂപയും വൈ-ഫൈ സെല്ലുലാര്‍ മോഡലിന് 38,990 രൂപയുമാണ് വില. സില്‍വര്‍, ഗോള്‍ഡ്, ഗ്രേ കളറുകളില്‍ പുതിയ ഐപാഡ് ലഭ്യമാവും. ഫ്‌ലിപ്കാര്‍ട്ട് വഴിയാണ് മോഡലിന്റെ പ്രീ ബുക്കിങ് നടത്തുന്നത്. 9.7 ഇഞ്ച് സൈസില്‍ റെറ്റിന ഡിസ്‌പ്ലേയോട് കൂടിയാണ് ഐപാഡിന്റെ പുതിയ മോഡല്‍ വിപണിയിലെത്തുന്നത്.

2048×1536 പിക്‌സല്‍ റെസലൂഷനിലുള്ള 9.7 ഇഞ്ചാണ് ഐപാഡിെന്റ ഡിസ്‌പ്ലേ. ആപ്പിളിന്റെ എം.9 മോഷന്‍ പ്രോസസറാണ് കരുത്ത് പകരുന്നത്. എട്ട് മെഗാപിക്‌സല്‍ പിന്‍ കാമറയും 1.2 മെഗാപിക്‌സല്‍ മുന്‍ കാമറയും ഐപാഡിനുണ്ടാവും. ഫുള്‍ എച്ച്.ഡി വിഡിയോ റെക്കോഡിങ്, ഒാേട്ടാ ഇമേജ്, ഹൈബ്രിഡ് ഐ.ആര്‍ ഫില്‍ട്ടര്‍ തുടങ്ങിയ സംവിധാനങ്ങളും ക്യാമറക്കൊപ്പം ലഭ്യമാണ്.