Latest NewsKerala

പെണ്‍കുട്ടിക്കൊപ്പം ബൈക്കില്‍ സഞ്ചരിച്ച യുവാവ് റെയില്‍വേ ട്രാക്കില്‍ മരിച്ച നിലയില്‍: കൊലപാതകമെന്ന് ബന്ധുക്കള്‍

തിരുവനന്തപുരം: യുവാവ് റെയില്‍വേ ട്രാക്കില്‍ മരിച്ച നിലയില്‍. സുഹൃത്തായ പെണ്‍കുട്ടിക്കൊപ്പം ബൈക്കില്‍ സഞ്ചരിച്ച കൃഷ്ണനുണ്ണി എല്‍. പ്രതാപിനെ പെണ്‍കുട്ടിയുടെ പിതാവ് കയ്യേറ്റം ചെയ്തിരുന്നു. ഇതിനുപിന്നാലെയാണ് കൃഷ്ണനുണ്ണിയെ മരിച്ച നിലയില്‍ കണ്ടെത്തിയത്.

യുവാവിന്റെ മൃതദേഹം കൊച്ചുവേളി റെയില്‍വേ ട്രാക്കിലാണ് കണ്ടെത്തിയത്. വഴിച്ചാല്‍ ഇമ്മാനുവല്‍ കോളേജിലെ ഒന്നാം വര്‍ഷം ബികോം വിദ്യാര്‍ത്ഥിയായിരുന്നു കൃഷ്ണനുണ്ണി. മരിണത്തിന് തലേദിവസം കോളേജ് സുഹൃത്തിനൊപ്പം കൃഷ്ണനുണ്ണി ബൈക്കില്‍ സഞ്ചരിച്ചിരുന്നത്രേ. ഇതിനെ തുടര്‍ന്ന് പെണ്‍കുട്ടിയുടെ പിതാവ് കൃഷ്ണനുണ്ണിയെ മര്‍ദ്ദിച്ചിരുന്നു.

സംഭവത്തില്‍ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. പെണ്‍കുട്ടിയുടെ വീട്ടുകാരെ സംശയമുണ്ടെന്ന് യുവാവിന്റെ ബന്ധുക്കള്‍ പറയുന്നു. ശക്തിയുള്ള വസ്തു കൊണ്ടുള്ള അടിയേറ്റാണ് മരണം സംഭവിച്ചതെന്നാണ് പോസ്റ്റ്മോര്‍ട്ടം റിപ്പോര്‍ട്ട്.

shortlink

Related Articles

Post Your Comments

Related Articles


Back to top button